Die Woonstelblok waar die kleuter geval het. Foto: Google Maps
ʼn Kleuter is in ʼn kritieke toestand na ʼn hospitaal geneem nadat sy Maandag twee verdiepings ver uit ʼn woonstelblok in Pretoria geval het.
Xander Loubser, woordvoerder van Best Care-ambulansdienste, het aan Maroela Media gesê die dogtertjie was in haar ma se sorg in hul woonstel op die hoek van Steve Bikorylaan en Booysensstraat.
“Na verneem word, het die kleuter op die stoep voor die woonstel gespeel toe sy deur die relings op die tweede vloer geklouter en geval het,” het Loubser gesê.
Omstanders het noodhulp op die kleuter toegepas totdat paramedici opgedaag het. Paramedici het die kleuter op die toneel gestabiliseer voordat sy met ʼn ambulans na die Steve Biko-hospitaal geneem is. Sy het ʼn ernstige kopwond opgedoen.
Die kind het by die venster van woonstel uitgeval. Daar is nie reelings op stoep nie maar wel mure ás reelings