Kleuter sterf na slang hom pik

Mornay Thysse van die Oudtshoorn-nooddienste by die Kaapse kobra wat hy gevang het. Foto: Verskaf

Mornay Thysse van die Oudtshoorn-nooddienste by die Kaapse kobra wat hy gevang het. Foto: Verskaf

ʼn Driejarige seuntjie is dood oomblikke nadat ʼn Kaapse kobra hom gepik het op ʼn plaas in die Bakenskraal-gebied buite Oudtshoorn in die Wes-Kaap.

Kapt. Malcolm Pojie, woordvoerder van die polisie, het aan Maroela Media gesê Brenlyn Moos het omstreeks 16:00 saam met sy bababoetie lê en slaap toe dit gebeur het. Volgens Pojie het Moos na sy ma, Bernedine, geroep.

Toe sy by hom kom, het hy inmekaargesak. ʼn Slangbyt was op sy slaap sigbaar. Noodpersoneel is na die huis ontbied, maar Brenlyn is op die toneel dood verklaar. Brenlyn se boetie is ongedeerd.

Die slang is onder die bed gevind. Mornay Thysse van die Oudtshoorn-nooddienste het aan Maroela Media gesê die slang was ongeveer 1,6m lank. Die kobra is verwyder en elders vrygelaat.

Volgens Pojie word ʼn geregtelike doodsondersoek gedoen.

Anina Mostert, ʼn tweejarige dogtertjie van Citrusdal in die Wes-Kaap, is in Februarie ook in die gesig gepik deur ʼn Kaapse kobra terwyl sy die middag op ʼn plaas geslaap het. Anina is in die waakeenheid van die Tygerberg-hospitaal behandel, maar is later ontslaan en sterk goed aan na die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Karen van Zyl

Hoekom pik so slang ‘n kind wat slaap? Kan iemand dalk vir my help om te verstaan.

CC

Want Karen, dit bly ‘n slang. Slange pik. Hulle hoef nie altyd bedryg te voel voor hul pik nie. Die seuntjie het dalk in sy slaap beweeg en die ding het geskrik.

Reinette

Innige simpatie aan die ouers. Maar ek sou wou lees dat die slang doodgemaak is.

Johann

Dit is net baie eienaardig dat slange skierlik hul verskyning begin maak. Ons innigste meegevoel word u toe gebid

Bernadette Fischer

Ja ek weet darm nie so lekker nie. Hulle moet maar verder ondersoek instel. En nogal op sy slape? Ons het baie slange en soos ek die storie kyk lyk dit nie vir my moontlik nie. Slange gaan le dood stil in n koel plekkie as dit warm is en sal liewer vlug as hulle bedryg word. B