Die polisie op Ritavi buite Tzaneen in die Mopani-distrik is op soek na ’n kleuter wat glo uit sy ouerhuis verdwyn het.
Nkoka Mhlarhi (3) is Vrydagoggend omstreeks 08:20 vir die laaste keer gesien. Volgens die kind se ouma het hy saam met sy sewejarige boetie in die huis gespeel toe hy onverklaarbaar verdwyn het. Die huis is in die Khujwana Ntwanano-nedersetting geleë.
Nkoka se gesin het glo onmiddellik na hom begin soek en die polisie in kennis gestel toe hulle hom nêrens kon vind nie. ʼn Soektog deur die polisie by bure en familielede het ook niks opgelewer nie.
Hy het ten tyde van sy verdwyning ’n pers hemp, rooi broek en Nike-sandale aangehad.
Enigiemand met inligting word versoek om die Ritavi-polisiestasie by 079 890 6460 te skakel.
wat gaan aan in mense se kop ….
Hoop hy word vinnig gevind en na veiligheid gebring.
Mag die kleinman vinnig gevind word. Die boetie moes tog iets opgemerk het wat tot leidrade aangewend kan word.
Waarheid sal uitkom. . .
Dit raak nou erg daar verdwyn te veel mense vir al kinders. Die wereld raak siek.