Kleuters vir dae alleen in kamer toegesluit

Anton van Zyl en Bernard Chiguvare, GroundUp.

Twee kleuters is vir dae lank in ‘n hotelkamer toegesluit. (Foto: Bernard Chiguvare/GroundUp)

Twee kleuters is glo vir dae alleen in ʼn kamer aan die agterkant van ʼn hotel buite Louis Trichardt in Limpopo toegesluit.

Die kinders, twee en vier jaar oud, is verlede Sondag opgemerk toe hulle op ʼn vensterbank in een van die kamers in Cloud’s End Hotel net buite Louis Trichardt gestaan het. Bernard Chiguvare, ʼn verslaggewer, het op hulle afgekom nadat hy gehoor het hoe kinders huil en ondersoek ingestel het, berig Groundup. Hy huur ʼn kamer nie ver van waar die kinders gekry is nie.

“Ek het die vorige dag gehoor hoe kinders saggies huil en het gewonder hoekom die ma nie aan hulle aandag gee nie,” sê Chiguvare. Toe hy die kinders die volgende dag sien, het hy dadelik werknemers van die hotel in kennis gestel. “Hulle het toe vir die kinders kos en water deur die venster aangegee.” Hy sê elke keer dat daar iemand voor die kinders se hotelkamer verbygeloop het, het hulle begin huil.

Toe geen familielid van die kinders teen Maandag by die kamer opgedaag het nie, het die bestuur van die hotel die kamerdeur oopgedwing om die kinders te bevry. Die kamer was in ʼn haglike toestand. Die emmer wat die kinders as toilet gebruik het, was vol en die stank was ondraaglik. Lede van die gemeenskap het die kinders kos en water gegee en die geval by die polisie en die departement van maatskaplike werk aangemeld. Maatskaplike werkers het eers laat Dinsdag opgedaag om die kinders uit die kamer te verwyder.

Die kinders se ma is na wat verneem word die vorige week in hegtenis geneem in verband met ʼn klagte van prostitusie en vir ʼn maand tronk toe gestuur. Daarom het sy die kinders met net ʼn brood en ʼn paar koeldranke in die kamer toegesluit.

 

GroundUp het die berig oorspronklik in samewerking met Limpopo Mirror gepubliseer. Lees die oorspronklike berig hier

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

37 Kommentare

jongste oudste gewildste
Michael P

Wat word van die mensdom?

Chris

Welgedaan, Chiguvare!

SAD

Regtig!!!
Hoekom nie dadelik die kamer oopgemaak toe hulle gesien het die kinders is daar binne?
Hoekom die kinders deur die venster voer en wag tot die Maandag?
En hulle word eers bevry die dinsdag, hoe swak!
En hoelank was hulle daar binne en niemand kom dit agter nie?
Word ‘n hotel kamer nie skoon gemaak op ‘n daaglikse roetine?
Volgens die gordyne lyk dit ook maar na vuil hotel!

Alida

Vieslike vrou

Leon

Wag ‘n bietjie. Hulle sluit di ma op en WIE GAAN KYK OF DAAR NIE KINDERS IS NIE! Ons maatskaplike werkers is totentaal hopeloos. Waar voor word hulle betaal. Om solitaire in die kantoor te speel?