Klipgooiery op N2 oor behuising

Betogers het motors Dinsdag met klippe op die N2 in Botrivier in die Wes-Kaap bestook. (Foto: Theewaterskloof- plaaslike munisipaliteit / Wilfred Solomons-Johannes)

Motoriste is Dinsdag gewaarsku om versigtig te wees vir betogers wat motors met klippe op die N2 in Botrivier in die Wes-Kaap bestook. Dié betogers woon in die New France- informele nedersetting en is glo kwaad omdat hulle nie vir hervestiging by ʼn nuwe behuisingsprojek in Beaumont kwalifiseer nie.

Wilfred Solomons-Johannes, woordvoerder van die Theewaterskloof- plaaslike munisipaliteit, het Dinsdag aan Maroela Media gesê inwoners word volgens kriteria ingevolge die Wet op Behuising gekeur, en dat dié ontevrede betogers die lys van kandidate wil “jippo”.

“Die toilette by die Beaumont-behuisingsontwikkeling is beskadig en daar is ʼn moontlikheid dat die kragtoevoer afgesny is.

“Alle munisipale dienste is intussen by die Botrivier-dorpskantoor tot verdere kennisgewing opgeskort. Personeel sal tydelik na die die kantore in Grabouw en Caledon verplaas word terwyl die betoging voortduur.”

Luidens die munisipaliteit se verklaring drom die betogers al sedert 04:00 op die snelweg saam en kan motoriste verkeersvertragings verwag.

“ʼn Motor is ook by die Botrivier-spoorwegoorgang aan die brand gesteek en sementblokke is in die pad gepak. Verskeie mense het met behulp van die polisie vir hul veiligheid gevlug.

“Die Botrivier-polisie bied tans bystand en die polisie se eenheid vir openbare orde sal binnekort op die toneel wees om verdere ondersteuning te verskaf. Die munisipaliteit se verkeersdienste is ook ontbied om die polisie en die Wes-Kaapse provinsiale verkeersdienste met die verkeersonderbreking te help en die situasie in bedwang te bring.”

Volgens die munisipaliteit het betogers ook klippe op die spoorlyn gepak om onderbrekings tussen Kaapstad en Caledon te veroorsaak.

“Die Passasierspooragentskap van Suid-Afrika (Prasa) se Kaapse metro- operasionele beheersentrum (CMOCC), Transnet-vragspoordienste en Metrorail-beskermingsdienste is reeds ontbied om aankomende treine te stop.”

Die Wes-Kaapse onderwysdepartement is Dinsdag versoek om skoolaktiwiteite by Botrivier Primary School te staak. Die vervoer van skoolleerders na en van Hermanus en die omliggende dorpe is ook vir eers stopgesit.

Enkele munisipale personeellede sal egter steeds op bystand wees om kritiek noodsaaklike dienste soos die voorsiening van water, sanitasie en krag te verseker.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

29 Kommentare

jongste oudste gewildste
Bernard

Die Xhosa-toestroming in die WesKaap. Geleidelike inkrimping van gewone mense se bewegingsvryheid.

SjN

Nou wat het die motoriste uit te waai met dienslewering, gaan tree op teen jul leiers en gooi hulle met klippe, los die onskuldiges uit.

domheks

so sal hulle alles vernietig! ‘our people’ ken net van bakhand staan en verwoes! maar van werk -NIKS

Frikkels

Ons vrotsige regering draai net die ogies weg. Hierdie is nie betogings nie, dis sabotasie. Waarom word motoriste aangeval? ñ Motoris het met dienslewering niks uit te waai nie! Dan nog die spoorlyne ook blok en beskadig sodat hulle nie kan werk toe gaan nie. Gepraat van dienslewering, wanneer gaan die bakhandbrigade begin dienste lewer?

Andre

So wat het die motoriste met die probleem te doen.Om ‘n motor met ‘n klip te gooi gaan niks verander nie.Meskien volgende keer nie weer verkeerd stem nie.