Koalisiepolitiek in SA die toekoms, sê Maimane

Mmusi Maimane, leier van die DA, tydens die Werkersdagvieringe in Kaapstad (1 Mei 2017) Foto: DA, Twitter

Koalisiepolitiek in Suid-Afrika sal in die komende jare meer algemeen voorkom, het Mmusi Maimane, leier van die Demokratiese Alliansie, Saterdag tydens ʼn byeenkoms in Beaufort-Wes gesê.

Die ANC word egter nié hierby ingesluit nie, aangesien hulle “verby die punt van terugkeer” is, het Maimane gesê.

“Daar is niks meer te redde nie. Soos baie bevrydingsbewegings, is hulle vol korrupsie, betrokke by die kaping van staatsinstellings en het hulle ʼn algemene minagting vir lewendige veelpartydemokrasie. Die ANC verteenwoordig nie die belange van die mense van Suid-Afrika nie en kan dus nie in die regering vertrou word nie.

“Dit is juis daarom dat die komende tussenverkiesing in wyk 7 so belangrik is vir die mense van Beaufort-Wes. Hierdie kritieke tussenverkiesing sal bepaal wie Beaufort-Wes beheer, want die koalisie van die DA-KDF [Karoo Demokratiese Forum] het tans ses setels en die ANC het ses setels – daar is dus een beslissende setel op die spel,” het hy gesê.

Maimane het gesê inwoners van dié dorp moenie toelaat dat die ANC-regering weer aan bewind kom nie.

“Ons mense het genoeg gehad van ANC-geborgde armoede, werkloosheid, korrupsie, misdaad, dwelms en swak dienslewering.”

Die DA-leier het ook gesê indien die ANC wel wen, sal dit nóg ʼn tree terug vir demokrasie wees.

“Laat ons in die toekoms eerder die weg baan vir ʼn regering wat politieke partye byeenbring en die belange van die mense eerste stel. Dit kan net gebeur deur die ANC uit te stem en koalisieregerings reg oor die land te vorm. Ek het geen twyfel dat die voorkoms van koalisiepolitiek  in die komende jare meer algemeen sal word nie – veral in 2019 se nasionale verkiesing.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

36 Kommentare

jongste oudste gewildste
jaco

toe die VF-Plus van koalisies gepraat het, het die DA dit afgelag…

Gert

Ja DA. Julle kan nie meer stemme werf nie oor julle maar op die ou einde nes die ANC Is. Klaar met julle.

Pieter

Nou vir watter ander party gaan jy stem ? VF + is so klein dat hulle geen verskil maak nie.Dit is soos n Jorkie se geblaf teen n St. Bernard. Die enigste oogmerk moet wees om die ANC uit die kussing te lig.

Johann

En daar beduie ek vroeër, “agteros kom ook in die kraal” en toe plaas Maroela dit nie want hulle dink dis rassisties.

Middelburger

So wat stel jy voor Adam?