Die stoomketel (Foto: Eskom, Twitter)
Die eerste van die langverwagte ses nuwe stoomketels vir Eskom se Koeberg-kernkragsentrale is Dinsdag afgelewer. Die ketels gaan die oorspronklike ketels wat sedert 1984 by Koeberg gebruik word, vervang.
Die ketels weeg 380 ton elk en is omtrent 20 m lank.
Die eerste drie ketels sal van Februarie tot Junie 2021 by Eenheid 1 van Koeberg geïnstalleer word. Die ander ketels sal tussen Januarie en Mei 2022 by Eenheid 2 geïnstalleer word.
Die ketels weeg 380 ton elk (Foto: Verskaf)
Die vervanging van die ketels is deel van ’n groter projek van sowat R20 miljard wat tien jaar gelede goedgekeur is om Koeberg se leeftyd met ʼn verdere 20 jaar te verleng.
Die ketels word van Kaapstad-hawe na Koeberg vervoer en dit neem ongeveer 8 uur per ketel om die sowat 40 km af te lê.
Die ou stoomketels sal by Koeberg uitmekaar gehaal word voor dit na ʼn nasionale kernafvalperseel vervoer sal word.
Eskom het die versekering gegee dat die installering van die eenhede so min moontlik ontwrigting in kraglewering sal veroorsaak.
Hoop die nasionale kernafvalperseel word goed bestuur want die asgate oor die land is nie eens op standaard nie.
Goeie vraag. En die stoomketels is sekerlik nie eintlik geskik vir ander toepassings nie. Dit is die verdere probleem met kernkrag; die nagevolge het g’n einde nie.
In die amper 40 jaar dink ek Koeberg het nog nie genoeg kernafval geproduseer om een tennisbaan te vul nie. Kusile, byvoorbeeld, is halfpad aan die gang (3 van 6 eenhede werk…soortvan), maar die ashoop is al 5ha of meer! Boonop is die inherente radioaktiwiteit van steenkool wat benodig word om een kW op te wek hoër as die van uraan wat benodig word vir dieselfde kW.
So sê bietjie vir ons wie het die ketels vervaardig. CHINA?