Twee mense is Sondagaand beseer en ʼn koei is dood ná ʼn ongeluk op die N5, 30 km buite Bethlehem in die Vrystaat.
“Die motor het die koei op die pad getref,” het Santi Steinmann, woordvoerder van Netcare 911, in ʼn verklaring gesê. Die ongeluk het in die rigting van Kestell plaasgevind.
“Die motor het omgeslaan nadat dit die dier getref het,” het sy bygevoeg. “Twee mense is beseer in die ongeluk. Hulle is na ʼn hospitaal geneem vir verdere behandeling.”
Nog drie voertuie het die koei in die pad getref.