Koerant gee nuusredakteur trekpas ná uitlatings

‘n Skermgreep van Deep Fried Man se uitlating op Twitter.

The Citizen het die nuusredakteur van sy aanlyn platform in die pad gesteek.

Daniel Friedman, ook bekend as die komedie-persona Deep Fried Man, is verlede maand geskors weens ʼn inskrywing op Deep Fried Man se Twitterrekening wat na wit mense, spesifiek diegene wat die VF Plus ondersteun, as rassiste verwys. Dié rekening is daarna gedeaktiveer.

The Citizen sê ʼn onafhanklike arbeidspraktisyn het ʼn interne tugkomitee ná Friedman se optrede gelei en dié kenner het aanbeveel dat Friedman afgedank word.

“Die bestuur het dié aanbeveling aanvaar,” het die koerant gesê.

“Die voorsitter het bevind dat Friedman se sosialemediaopmerkings teenoor drie persone, asook besonderhede oor die omstandighede en konteks van sy twiet, op wangedrag en onprofessionaliteit neergekom het. Sy uitlatings het ook die publikasie se naam in die skande gesteek.”

The Citizen sê hy sal enige ander oortredings van ʼn soortgelyke aard op dieselfde wyse hanteer.

Friedman – as Deep Fried Man – is al vantevore gekap nadat hy die spot gedryf het met moord op wit mense in die YouTube-video The White Genocide.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Dries

Dalk het Malema vir hom ‘n werkie noudat hy gefire is.

andre

Komediant? Niemand dink hy is snaaks nie, Well done Citizen,

Marie

Daniel Friedman sien elke dag van sy lewe homself in die spieël, dus weet hy seker presies wat ‘n rassis is.

Nie Verbaas

Daniel Friedman, wie is nou die grap?

Scalla

Sal graag hom iets wil wys, sal dan as deep died man bekend staan en nie meer deep fried man nie.