Kohler-Barnard-sage: ‘Bewys van wit heerskappy’

Dianne Kohler-Barnard.

Dianne Kohler-Barnard.

Die DA se reaksie op Dianne Kohler-Barnard wat ʼn omstrede inskrywing oor PW Botha op sosiale media gedeel het, is bewys daarvan dat die party wit heerskappy handhaaf, het die ANC in die Wes-Kaap gesê.

“Die rassisme waarmee ons ‘n week terug gekonfronteer is, was nie net Dianne Kohler-Barnard nie,” het Marius Fransman, provinsiale voorsitter van die ANC, gesê. “Dit wys die diepte van sistematiese rassisme in die DA.”

Kohler-Barnard, die DA se skaduminister van polisie, is gedemoveer na ʼn adjunk-posisie, enkele dae nadat sy in die sop beland het oor die omstrede inskrywing op sosiale media.

Maroela Media het vroeër berig Kohler-Barnard is voor die DA se federale regskommissie geroep oor die inskrywing. Kohler-Barnard het twee weke gelede ʼn inskrywing van Paul Kirk, ʼn joernalis, gedeel waarin hy onder meer geskryf het: “Hierdie is ʼn blêddie sirkus. Kom asseblief terug PW Botha. Jy was by verre eerliker as enige van hierdie ANC skurke.”

Volgens Fransman is die demovering nie genoeg nie. “Dis ‘n foefie. Sy is steeds ʼn lid van die parlement.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
Rynhardt

Anc,hoe kan die Dianne Kohler-Barnard-sepie n voorbeeld wees van wit heerskappy,want jou jonger boetie(DA) is dan juis n tweede Anc wat gestig is om afrikaners te help onderdruk vir 21jaar lank?Jou geliefde DA, kyk dan juis net na die belange van die massas en sy party is ook getransformeer om net die massas te dien!Anc,hoe verduidelik jy daai een?Anc jou toneelspel beindruk nie!Dit is pateties!

Riaan

Fransman is een van die grootste narre in hierdie bleddie sirkus. Hoekom gee die media hom enige publisiteit? Net die ANC en hulle lede het vryheid van spraak. En hulle blatante rasisme en anti-wit sentiment word nooit bevraagteken deur die media nie.

Theo

Ek hou van wat sy gesê het, die kommentaar van die anc wys weer dat die ondersteuners van die anc meer rasisties is as die da se ondersteuners. Ek sal nog steeds vir vusi stem, hy het meer integriteit as die klomp anc korupte “leiers”

Andre

Fransman moet liewer stilbly. Hy het die afgelope tyd weer baie te sê. En…….leë blikke maak die meeste lawaai.

HEVW

” Sal nog steeds vir vusi stem.” Die hele politieke bestel het in tragedie ontaart. Wanneer sal ons dan besef ons toekoms is nie gelee in die politiek nie??