Kolonel begin getuig in Malema-aanrandingsverhoor

Die EFF-leier Julius Malema kom by die hof aan. (Foto: EFF/Twitter)

Lt.kol. Johan Venter het Woensdag begin getuig in die aanrandingsverhoor van die leier van die EFF, Julius Malema, en die EFF-LP Mbuyiseni Ndlozi.

Die twee het onskuldig gepleit op die aanklag teen hulle.

Die verhoor spruit uit ʼn voorval in April 2018 toe die twee Venter by die begrafnis van die ANC-aktivis Winnie Madikizela Mandela na bewering aangerand het. Die voorval is op kringtelevisie opgeneem en Venter het ʼn klag by die polisie teen die twee aanhangig gemaak.

Die staat voer aan Malema en Ndlozi het met ʼn gemeenskaplike doelwit opgetree toe hulle Venter aangerand het.

Venter, wat vir die polisie se presidensiële beskermingseenheid werk, het Woensdag getuig hy het op die dag van die begrafnis by die hoofingang by die begraafplaas diens gedoen. Malema, wie se voertuig volgens Venter nie ʼn sigbare permit gehad het nie, het aangedring op toegang tot die begraafplaas.

Volgens Venter was die opdrag dat net nabye familielede en die president toegang tot die begraafplaas sou kry en dat alle ander roubeklaers die verrigtinge op groot skerms sou volg.

Venter het getuig Malema het aan hom gesê dat geen wit man hom gaan keer om die perseel binne te gaan nie en hy is verskeie kere deur Malema en Ndlozi gestamp. Venter het getuig hy is so hard gestamp dat hy sy balans verloor het en teen ʼn waghuis by die ingang na die begraafplaas geval het.

Malema se voertuig het daarna, ten spyte daarvan dat hy geen toestemming van polisiebeamptes gehad het om dit te doen nie, steeds die begraafplaas binnegery.

Venter het getuig dat hy in geen stadium die beskuldigdes of die bestuurder van hul motor uitgelok het nie.

Die hof het vir ʼn wyle verdaag terwyl voorbereidings getref is om beeldmateriaal van die voorval in die hof te vertoon.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
ES

Volgende keer as ek Malema sien gaan ek ook met ‘n “gemeenskaplike doel” teen hom optree… wat ‘n klug!

Nioleen

Mal – emma is verhewe bo die wet. Hoop die regter is nie ‘n rassis soos mal – emma nie.

Wondermaarnet

Weet hy wat beteken ‘n gemeenskaplike doel?

Drikus

Ek het so NUGGET gevoel dat ons vriendjie Mal-lemma bietjie sy rieme gaan styfloop. Om ‘n polisieman te klap, gaan nêrens in die wêreld goed af nie, ek dink ook nie in SA nie.

Ansie

Wat ‘n klein japsnoet. Hy maak of hy vreeslik belangrik is, maar eintlik ly hy bloot aan ‘n minderwaardigheidskompleks.