’n Negejarige kind is vandeesweek na ’n hospitaal geneem vir mediese behandeling nadat ’n Kombi hom op sy fiets in ’n Johannesburgse straat getref het.
Dit is nie duidelik hoe seer die seun gekry het nie. Hy kon wel van onder die Kombi uitkruip ná die voorval.
Shawn Herbst, woordvoerder van Netcare 911, sê paramedici is Woensdagmiddag na die toneel in Mariastraat in Fontainebleau ontbied. ’n Gevorderde lewensondersteunende paramedikus het die seun op die toneel behandel.
Die kind is deur die paramedikus gestabiliseer voordat hy per ambulans hospitaal toe geneem is vir verdere mediese behandeling.
Die omstandighede rakende die voorval is onduidelik.
Wie het die kombi bestuur ?
het presies dieselfde gedink…
Alles is tans baie onduidelik as hulle nie wil praat nie. Iewers in J’burg!
‘n Kombi of ‘n Verdomde Breindood TAXI DRYWER?????
Taxi of n Kombi
Sal nie verbaas wees as dit ‘n breindood taxi is nie
Moenie slegsê as jy nie weet nie.
Die seun se beskermengel werk oortyd!!
Dankie tog, veral seuns het ‘n beskerm engel nodig……
Dit lyk na ñ bitter klein fietsie vir ñ 9 jarige kind om te ry.
So? My negejarige seun het dieselfde fiets. Party kinders is maar korter as die res.
Ek hoop die kind herstel volkome!