Komitee aangestel om artikel 25 van die Grondwet te wysig

land-lugfoto-grond-landbou

Foto: Magda Ehlers/Pexels.com

Die Nasionale Vergadering het Donderdag ingestem om ʼn veelparty ad hoc-komitee aan te stel om te begin met wetgewing om artikel 25 van die Grondwet te wysig.

Die komitee sal op 31 Maart 2020 terugvoer gee aan die Nasionale Vergadering. Die komitee sal bestaan uit 11 lede wat kan stem en 14 lede wat nie kan stem nie, het Moloto Mothapo, woordvoerder van die parlement, in ʼn verklaring gesê.

Lede wat kan stem sal gekies word uit die ANC (6), DA (2), EFF (1) en ander partye (2). Die 14 lede wat nie kan stem nie, sal gekies word uit die ANC (2), DA (1), EFF (1) en ander partye (10). Die ad hoc-komitee sal al die algemene magte hê van parlementêre komitees, kragtens reël 167 van die Reëls van die Nasionale Vergadering.

Die vyfde demokratiese parlement het ingestem om dié komitee aan te stel. Die komitee kon egter nie sy taak voltooi teen die tyd wat die vyfde demokratiese parlement ontbind is nie. Die aanbeveling is gemaak dat die sesde parlement die saak sal afhandel.

Die besluit om dié ad hoc-komitee aan te stel, volg ná die parlement in Desember 2018 ʼn verslag van die grondwetlike hersieningskomitee aanvaar het om artikel 25 van die Grondwet te hersien. Die verslag het aanbeveel dat die parlement artikel 25 van die Grondwet moet wysig om eksplisiet te stel wat implisiet in die Grondwet opgeneem is, wat betref die onteiening van grond sonder vergoeding, as ʼn regmatige opsie vir grondhervorming om “geskiedkundige foute reg te stel wat deur die arbitrêre onteiening van grond veroorsaak is”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Johan

Eiendomsreg gaan dus nou nou nie meer noodwendig geld nie!?

Gert van Wierdapark

As na die getak gekyk word in die komitee wat kan stem (11), en die a en see het 6 daarvan, het hy nie eens die EFF (1 stem) nodig om die rigting te bepaal nie!! “Say no more”!

JV

Slim van die ANC om 6 uit 11 lede daar te stel. So as daar gestem word, wen hul nog steeds ongeag. Korrup

Martin l

Due ANC het reeds die meerderheids stemme – 6 teen 5. Maak nie saak wat die ander se of doen of stem nie die ANC het klaar gewen en gaan Art. 25 verander.

Wessel

Daardie dag wat die wet verander kan net sowel die amptelike datum word wat daar openlike burgeroorlog aangekondig word deur die ANC. Die pot met water is dan uit gegooi en die padda is dan op die vuur. Gaan ons steeds dan soos skape in ń ry stap terwyl ons wag om geslag te word? Laaste kans.