Komitee boos oor “misbruik” van Bishop-seuns

Bishops Diocesan College in Rondebosch.

Die voorsitter van die parlementêre komitee vir vroue, kinders en mense met gestremdhede het gesê sy neem met kommer kennis van berigte oor beweerde “gevalle” tussen ʼn onderwyser en leerlinge by ʼn seunskool in Kaapstad.

Nonhlanhla Ncube-Ndaba het verwys na die voorval waarin Fiona Viotti, gewese onderwyseres van Bishops Diocesan College in Rondebosch, glo verhoudings met verskeie skoolseuns gehad het. Viotti was ook die skool se polo-afrigter, maar het bedank toe die eerste bewerings van ʼn verhouding tussen haar en ʼn 18-jarige leerder op die lappe gekom het. Guy Pearson, hoof van die skool, het Dinsdagaand in ʼn verklaring gesê verskeie leerders is oor die afgelope jare geraak en dat geaffekteerde leerders en ouers berading ontvang.

“Dis ontstellend dat ruimtes wat veilig moet wees vir kinders om te leer en te floreer, plekke geword het waar geslagsgeweld gepleeg word,” het Ncube-Ndaba gesê. Sy het die betrokke seuns geloof vir hul moed om vorendag te kom en ook te sê “nie in my naam nie”.

Ncube-Ndaba het gesê leerders word veels te gereeld uitgebuit deur mense in magsposisies, soos onderwysers. Daarom moet die departement van basiese onderwys weer kyk na sy beleid in skole om te voorkom dat viktimisasie voorkom in gevalle van seksuele teistering en dit makliker maak om gevalle van seksuele teistering aan te meld. “Hoewel die fokus meermale op meisies is, kan ons nie seuns agterweë laat nie,” het sy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

58 Kommentare

jongste oudste gewildste
Arno Scheepers

It takes two to tango!!!!

Siener

As Bishops Diocesan College regtig so bekommerd is oor hulle seuns hoekom moes talle seuns eers “misbruik” word voordat hulle begin optree. Ek dink die skoolhoof en bestuurskomitee het al lank hiervan geweet maar niks gedoen nie. Vir ‘n begin moet hulle ook ge-fire word vir hulle aandeel dat hulle weggekyk het.

Anoniem

Hi, manne het Julle só lank gevat om uit te vind dat dit verkeerd is ?

Sean

Ag foei tog Trek vir die mannetjies rokkies aan of stuur hulle weermag toe

Anoniem

Die oomblik wat Jy iets doen en Jy het nie ‘VREDE IN JOU HART NIE’ dan moes Jy al geweet het om saam met Juffrou sosiaal te verkeer is verkeerd