Komitee kap MRK oor Eben Etzebeth-saak

Eben Etzebeth. Foto: Twitter

Die portefeuljekomitee oor sport, kuns en kultuur het gesê hy neem kennis van die onderonsie waarby die Springbok-rugbyspeler Eben Etzebeth betrek word.

Beauty Dlulane, voorsitter van die komitee, het gesê die saak is sensitief en moet met sorg hanteer word. “Die saak kon baie anders hanteer word en SA Rugby en die Menseregtekommissie (MRK) moet die manier hoe hulle hierdie tipe sake hanteer, verbeter. Die benadering om hierdie sake te hanteer moet korrektief van aard wees, en nie ʼn vernedering in die media van mnr. Etzebeth nie en nie die aandag aftrek van Suid-Afrika se deelname aan die Wêreldbeker nie.”

Etzebeth word daarvan beskuldig dat hy ʼn hawelose man in Langebaan aan die Weskus mishandel het. Hy ontken skuld.

“Indien daar gronde is vir vervolging, moet bekwame instansies dit hanteer en eers ná ʼn deeglike proses om te bepaal wat presies gebeur het,” het Dlulane bygevoeg. “Voortgesette kommentaar in die media, veral gegewe die erns van dit waarvoor mnr. Etzebeth beskuldig word, sal nie enigiets oplos nie. Almal het ʼn opinie oor die saak maar die tyd is reg dat die regte instansies die feite bepaal en daarvolgens optree.”

Sy het gesê die komitee is besorg oor die tyd wat reeds verloop het sedert die beweerde voorval.

Die komitee wens die Springbokke alles van die beste toe vir hul wedstryd Vrydag teen Italië.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
Wurmpie

Iemand weet hoe sake hanteer moet word in ons land

Madaleine

Die aanklaer soek seker n moment of fame ek sou aandring dat sy gehoor getoets word hyt verkeerd gehoor

Johann cb

Wat maak hom nou anders as enige vorige persone wat by rassisme betrek is?
Skeer almal oor dieselfde kam!

Sarel

As. En ja as hy bv glad nie skuldig is en onskuldig bevind word deur die onbekwame rassistiese mrk moet hy fie ROOK uit die media en bondgenote eis. Sonder konkrete klagte in ‘n hof na ondersoek is dit effens nuus waardig indien. Wat hier afspeel is bespiegelings

Susan vl

Hier gaan ons alweer, te gretig… he he he
Wanneer stop hierdie persoonlikke aanvalle…