Komiteelid bedank ná klankopname-skandaal

Sheila Senkubuge, burgemeesterkomiteelid oor paaie en vervoer. (Foto: Christel Cornelissen)

Sheila Senkubuge, Tshwane se burgemeesterskomiteelid wat haar te midde van ʼn storm oor haar beweerde gekafoefel met die stad se eerste burger bevind, het bedank.

“In die lig van onlangse gebeure, en ondanks die vele suksesse, het dit duidelik geword dat pogings om my te vernietig die fokus wegneem van die doel van my rol in die amp.

“Dit sal onvermydelik dienslewering aan ons inwoners beïnvloed,” voer Senkubuge in haar bedankingsbrief aan. Haar bedanking is onmiddellik van krag.

Maroela Media het vroeër onthul dat Senkubuge nie ʼn Suid-Afrikaanse burger was toe sy in 2016 ʼn DA-raadslid geword het nie.

Senkubuge, burgemeesterskomiteelid vir paaie en vervoer, het die afgelope week onder skoot gekom nadat ʼn storm losgebars het oor haar beweerde seksuele eskapades met Stevens Mokgalapa, burgemeester van Tshwane.

Mokgalapa is vroeër die week op spesiale verlof geplaas nadat ʼn klankgreep van die twee se beweerde gekafoefel van Sondag af wyd op sosiale media versprei is.

Dit is glo onwettig met behulp van ʼn meeluisterapparaat in Senkubuge se kantoor gemaak. In die klankopname kan glo ook gehoor word hoe verskeie topamptenare bespreek word.

Sheila Senkubuge, burgemeesterkomiteelid oor paaie en vervoer, en Stevens Mokgalapa, burgemeester van Tshwane. (Foto: Christel Cornelissen)

Mokgalapa en Senkubuge het die week klagte van onder meer afpersing by die Brooklyn-polisiestasie aanhangig gemaak. Hulle beweer die klankgreep is versprei omdat hulle nie wou toegee aan ʼn eis dat vier geskorste werknemers heraangestel word nie.

Senkubuge voer in haar bedankingsbrief aan dat sy haar bes gedoen het tydens haar ampstermyn en met die grootste etiek gewerk en verseker het dat sy bo enige verdenking is.

“Dankie dat u my, ’n jong swart vrou, die geleentheid gegee het [as jongste vroulike burgemeesterskomiteelid] om hierdie party as ’n raadslid te dien, en nie net in die rol nie, maar ook as lid van die burgemeesterskomitee van 2016 tot 2019.”

Senkubuge gaan dan voort om talle “prestasies” te lys wat die departement van paaie en vervoer in haar tydperk as burgemeesterskomiteelid bereik het. Sy lys ook toekennings wat sy glo ontvang het.

“Ek bly vir ewig nederig en geëerd dat ek die geleentheid gekry het om te dien,” sluit Senkubuge af.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
MH

Haar enigste “sukses” en “prestasie” is wat sy met die burgemeester reggekry het.

Jimmy

Gaan terug na Uganda en help daar bou.

W H School

Watse skandaal ? Dis ” doing what comes naturally ” Ethel Merman.

eff

Hierdie mense het nie ‘n greintjie skaamte in hulle nie. Eerder as om te sê “Jammer, ek het drooggemaak en oneerbaar opgetree” word ons eie lofprysings besing en die blaam voor ander se deur geplaas; en dan die vermetelheid om af te sluit met “Ek bly vir ewig nederig…”

Hagar

Uganda het jou nodig. Jy is besig om jou merkwaardige vermoens kwaliteite hier te verkwis en daar kan jy vrylik voortgaan met jou seksuele eskapdes.