Kommer in Wes-Kaap voor Ramaphosa-besoek

(4 Junie 2020) (Grafika: Wes-Kaapse departement van gesondheid)

Kommer is aan’t oplaai in die Wes-Kaap in aanloop tot die besoek van ‘n kabinetsafvaardiging onder leiding van pres. Cyril Ramaphosa Vrydag aan Kaapstad vir ‘n vergadering met die Wes-Kaapse premier, Alan Winde.

Die kommer is oor of die sentrale regering moontlik daarvoor wil voorbrand maak om die Wes-Kaap af te gradeer na vlak 4 of 5 van die afsonderingsregulasies weens die hoë voorkoms van die koronavirus in die provinsie.

Ramaphosa sal vergesel word deur die minister van verdediging, Nosiviwe Mapisa-Nqakula, die minister van gesondheid, dr. Zweli Mkhize, die minister van basiese onderwys, Angie Motshekga, die minister van polisie, genl. Bheki Cele, en andere.

Dit sal die eerste keer wees dat so ‘n omvattende ministerspan enige provinsie besoek sedert die instel van die afsonderingsperiode.

Tydens ‘n mediakonferensie ter terugvoer oor die tweeweeklikse kabinetsvergadering het die minister in die presidensie, Jackson Mthembu, dit by herhaling duidelik gemaak dat die kabinet diep bekommerd is oor die virus-situasie in die Wes-Kaap. Verdere punte uit die kabinetsvergadering sluit in dat die regering sy steun aan Kinderbeskermingsweek toegesê het en dat die regering bekommerd is oor hoe leeg die land se damme is.

Wil jy op hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Bella ·

Dink die regering hulle is steriel, en dat hulle nie meehelp om die korona virus te versprei nie? Daar sal nou weer n spul karre wees, sekuriteits personeel en maskers op kenne……. Want blykbaar het hulle nie nodig om sosiale distansiering toe te pas nie. So julle wil na n hotspot toe gaan om dinge te gaan uitkyk???

Gerhard ·

Ek is self woonagtig in die Wes-Kaap. Hierdie is net ‘n dekmantel vir die ANC wat die Wes-Kaap, die enigste provinsie in die land wat positiewe groei en vooruitgang toon, in die sak te probeer kry. Ek wonder of die syfer wat hulle aanvoer regtig die waarheid is en of dit nie opgeblaas word, ten einde die Wes-Kaap weer af te gradeer na 4 of 5 en sodoende die Wes-Kaap heeltemal op sy kniee te bring en en en nie….. Ai, ek, soos miljoene Suid-Afrikaners is al so GATVOL vir Ramazuma se sirkus en hulle belaglike regulasies en uitlatings dat ek wil opgooi daarvan. Ons land se regering is siek en ‘n klomp kolestrol bomme wat nie ‘n idee het wat hulle doen nie. Ek lag my pap as die appel nie slaag nie en ‘n ander hof verklaar oor die regulasies deur kopdoek ingestel as ongrondwetlik. Lekker dag vir my mede Suid-Afrikaners wat net so GATVOL soos ek is.

Co ·

Solank ons nie AL die statestieke kan sien van AL die Covid 19 gevalle nie, glo ek boggerol wat hierdie regime ons vertel! Hoe weet ons dat daar enige waarheid steek in hierdie sterfte syfers? Hierdie regime lieg en bedrieg ons al die laaste 26 jaar, waarom sal ons hulle nou moet glo! Hulle gebruik syfers om mense te manipuleer! Soos jy noem, hulle wil die WK op hul knie dwing want die provinsie werk!

Kaptein ·

My persoonlike gevo die syfers word opgeblaas soos byvoorbeeld deur gewone griep simtome
toe te skryf aan Covid 19. Of hulle nou alles ophef of dit stelselmatig doen ,n styging in die getalle gaan jy kry. Dis nie “rocket science” nie

Grassie ·

Die Kapenaars het rede om bekommerd te wees. Ek glo die ANC is besig met ‘n verskuilde agenda in die hele korona-sage, hulle wil dit gebruik in hul “radikale transformasie” beleid. CR het dit reeds in sy toespraak in Natal laat deurskemer. Die feit dat hulle nie die Kaap beheer nie is vir hulle ‘n struikelblok. As hulle die Kaap afgradeer gaan baie besighede sink terwyl dié in die res van die land herstel, dan gaan hulle die Kaapse regering blameer en op daardie wyse die Kaap probeer oorneem. Ek sê ‘probeer’ want ek hoop die Kapenaars sal sterk staan. Ek wonder waarom is Cele en Mapisa-Nqakula in die afvaardiging.

Jaco ·

corona is meer in die wes-kaap as in die res van SA
Meeste mense in die wes-kaap is wit mense en kleurlinge
die opposisie DA is in beheer van die wes-kaap
Eintlik is NOU die ideale geleentheid vir die DA en ander partye in die wes-kaap soos die VF-plus, om by die ANC te agiteer dat die wes-kaap gedeeltelik vanaf die res van SA afskei. Neem sommer ons stemreg vir die nasionale parlement ook weg. verskuif ook alle wit mense in die res van SA na die wes-kaap. die onteiening, gedwonge verskuiwing, die saamhok in die wes-kaap en die kwaaier corona in die wes-kaap is dan alles sommer ‘n finale groot straf vir apartheid.
laat buitelandse belegging toe in die wes-kaap en belas die wes-kaap meer as die res van SA. So het almal dan werk in die wes-kaap en die nasionale regering in pretoria kry dan ook ‘n “sny van die koek”.
Mense moet net meer “buite die boks” dink. So ‘n “straf” op die wit mense van SA sal hoogs waarskynlik op die langtermyn (so min as 5 jaar) tot ons voordeel wees.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.