‘Kommersiële boere moeg om weer oorgesien te word’

(Foto: Spencer Pugh/Unsplash)

TLU SA is nie tevrede dat kommersiële boere aanhoudend oorgesien word wanneer hulp van die regering aangebied word nie.

Dít volg nadat Thoko Didiza, minister van landbou, grondhervorming en landelike ontwikkeling, aangekondig het dat haar departement hulp ten bedrae van R1,2 miljard sal bied tydens die tydperk van algehele afsondering weens die Covid-19-pandemie. Die verligting is spesifiek gemik op winterprodusente, asook op kleinskaalse bestaansboere en kommuneboere.

Daar sal voorkeur gegee word aan boere met ʼn omset van R50 000 tot R1 miljoen per jaar. Vroue- en jeugboere, asook boere met gestremdhede sal voorkeur geniet.

“Dit is betreurenswaardig dat kommersiële boere, wat ʼn sleutelrol het om voedsel te voorsien en sodoende kosnood en anargie te bekamp, altyd aan die kortste ent trek,” het Louis Meintjes, die president van TLU SA, in reaksie gesê.

“Hoe moet ons die kommersiële boer motiveer om ondanks die risiko van blootstelling aan die koronavirus voort te gaan om te produseer, terwyl die regering niks doen om hulle te help nie?”

Bykans 70% van die Suid-Afrikaanse bevolking woon in stede en is afhanklik van kommersiële boere as voedselbron, sê Meintjes. Die groep boere wat nou bevoordeel gaan word, verskaf – volgens die mees onlangse Landbousensus – maar net 1,9% van die land se voedsel.

“Kommersiële boere, die land se grootste bate, gaan ondanks die afsonderingstydperk steeds gebuk onder misdaad en selfs plaasaanvalle.

“Ons veiligheidspatrollies word ingeperk en ons is afhanklik van die oorlaaide SAPD – wat beslis nie nou die kapasiteit hiervoor het nie – vir beskerming. Maar tog gaan hulle voort met hulle daaglikse take. Ons boere verdien beter.”

Meintjes meen landbou kan in dié tydperk ʼn verskil maak.

“Dit is nou die ideale geleentheid vir die onderskeie regeringsinstansies wat met hierdie programme werk om uit te reik na landbou-organisasies en vas te stel hoe hulle van hulp kan wees en watter ondersteuning benodig word.”

Wil jy op hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Joggie

Het hulle iets anders van korrupte ANC regering verwag?

Therese

Wanneer die president van die land ‘n stoetbul vanuit landbou-geledere as geskenk ontvang, word die indruk geskep dat SA-boere heel tevrede is met die regering, dan nie?

Andre

Dit klink soos nog hulp aan mense wat reeds gehelp was. Dit klink soos dieselfde wat Trump oor gewaarsku het, nl dat bybedoelings by hulpverlening ingewerk word.

Nie Verbaas

Die land is alreeds op n rommelstatus vlak. Nog steeds doen die regering nie stappe om boerdery te ondersteun wat n werklike bydrae tot die ekonomie lewer nie. Die gevolg? Dit kan lei tot onomkeerbare skade aan die land.

Anel

Dit is diskriminasie en sy ergste graad. Wat ek nie kan verstaan nie, is wat dink hulle gaan hulle eet as daar nie meer kommersiële boere is nie. Soos ek bestaansboerdery verstaan is dit ek hou my groentetuin en is selfversorgend. Net genoeg vir my. Nou hoe is dit ekonomies vir die land? Dit gaan maar net weer om te wys, die boere moet gee al kan hulle nie meer nie en “our people” word bevoordeel.