Koning Zwelithini vat sesde vrou

Koning Goodwill Zwelithini. Foto: Wikipedia

Koning Goodwill Zwelithini. Foto: Wikipedia

Koning Goodwill Zwelithini het Saterdag met sy sesde vrou in Ulundi in KwaZulu-Natal getrou, berig die Sunday Times.

Zwelithini (66) het tydens ‘n tradisionele seremonie met Zola Mafu (28) getrou. Meer as 10 000 mense, insluitend president Jacob Zuma en Winnie Madikizela-Mandela, het die seremonie bygewoon.

Volgens die berig is meer as 60 beeste en talle skape vir die geleentheid geslag. Mafu is op 18-jarige ouderdom reeds vir die koning gekies tydens die Swazi-rietdans.

Mafu was destyds nog ‘n leerder by Hoërskool St. Mark’s in Mbabane, Swaziland. Zwelithini het lobola van 20 beeste vir Mafu betaal.

Die seremonie gaan glo Sondag voort wanneer die bruid en bruidegom se families geskenke uitruil. Die koning sal ook later vandag ‘n onthaal hou ter viering van die troue sowel as sy verjaarsdag vroeër die maand.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
Trippie

Ja toe, net nog een waarvoor die belastingbetaler gaan instaan.