’n Wes-Kaapse polisiebeampte is Sondag in die vroeë oggendure in Delft, Kaapstad, beroof en doodgeskiet. Drie verdagtes is sedertdien agter tralies.
Kol. Andrè Traut, polisiewoordvoerder, sê ’n 31-jarige konstabel verbonde aan die polisiestasie in Gugulethu is omstreeks 03:30 van sy VW Touran beroof voordat hy in Deliusstraat in Delft-Suid doodgeskiet is. Die polisiebeampte was nie aan diens ten tyde van sy moord nie.
Die voertuig is vroeër vanoggend in Elsiesrivier gevind. Drie verdagtes tussen 30 en 40 jaar oud is in hegtenis geneem.
Die verdagtes sal na verwagting binnekort in die landdroshof verskyn op aanklagte van moord en kaping.
Traut sê speurders van die Valke gaan die omstandighede rakende die moord ondersoek.
As die weskaap net kan afstig dan kan die misdaad probleem aangespreek word en uitgesorteer word met die belasting geld wat die Wes Kaap die piesang Republiek betaal kan ‘n werk geskep word vir die meerderheid in die weskaap.
Jong, Delft is ‘n rowwe plek. Ek weet nie of enigiets daaraan gedoen kan word nie. Ek hoop so, maar meeste mense kannie eens prosesseer wat hulle hoor oor Delft nie.
Jy weet, as daar enigiets hier in Kaapstad gebeur, dan is dit in Delft.
Net die Here kan vir Delft verander. Dis ‘n verskriklike plek. Daar bly wonderlike mense daar, maar ook mense wat onbeskryflike goed aanvang. Bid vir hulle.