Konstabel ontslaan oor aanranding, vloekery

Argieffoto

Argieffoto

Konst. Marie Els, ʼn beampte by die Hercules-polisiestasie in die weste van Pretoria, is Maandag uit die Suid-Afrikaanse Polisiediens ontslaan nadat sy skuldig bevind is aan aanranding en kru taalgebruik.

Lt.kol. Lungelo Dlamini, ʼn polisiewoordvoerder van Gauteng, het gesê Els is Maandag ná ʼn tugverhoor skuldig bevind.

Beeld het Woensdag berig Els het ʼn man, wat in verband met ʼn gewapende roof in hegtenis geneem is, by die polisiestasie ondervra het. ʼn Tweede man, wat ook in verband met die gewapende roof in hegtenis geneem is, het met sy selfoon ʼn video geneem waar Els die verdagte met ʼn stuk yster aanrand.

Die video wys ook hoe sy vloek terwyl sy die verdagte ondervra oor ʼn vuurwapen wat vermoedelik tydens die rooftog gebruik is. “En jy, was jy daar? Julle steel saam, julle was saam. Waar is die f****n geweer?” sê sy in die video.

Die video is sewe maande gelede op YouTube gelaai en ook deur e-posse versprei. Dit is intussen van YouTube verwyder.

Els het sewe dae om te appelleer.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
henk

Dan moet daar ten minste NOG 90 000 polisielede ontslaan word!

Gompie

Arme vrou. Die blanke polisies raak so gefrustreerd in hul werk en ondersoeke…

Ek stem saam met Henk! Sy het immers nie die man verkrag nie!!

martie judeel

Sy is nog n “groentjie” in diens… En tree so op, het sy nou bevodering verwag na die geweld? Beter raak ontslae van haar-soveel van ons lede word geassosieer met die tipe optrede, deur een vrot appel. Beste besluit– Skorsing!

Marietjie

En haar storie haal die nuus en YouTube – kom ons wees nou eerlik – net omdat sy WIT is en van ‘n voorbeeld gemaak gaan word. Die helfte van die Polisiemag is skuldig aan baie erger oortredings – vat hulle dan ook maar vas.

pop

Ag f……asseblieftog, wat moes sy se???”vertel nou mooi vir my waar die wapen is, toe!!!!Dan gee tannie vir jou n sucker.” Dis hierdie houding wat maak dat die kriminele vir almal uitlag. Nog n bietjie steel, nog n bietjie moor, nog n bietjie verkrag. En die polisie moet nou hulle gatte lek om inligting uit die vreksels te kry. Rerig!!!!!!