Konstitusionele Hof sê oor US-taalbeleid

Konstitusionele hof van Suid-Afrika (Foto: Stefan Schäfer, Lich – eie werk,via Wikemedia Commons)

Die Konstitusionele Hof het Donderdag beslis die Universiteit Stellenbosch (US) se taalbeleid van 2016 is grondwetlik geregverdig.

Die hof het in ʼn eenparige beslissing bevind dat die US se proses om die 2016-beleid aan te neem het gevolg na deeglike, uitputtende, inklusiewe en behoorlike beraadslaging.

Die organisasie Gelyke Kanse het ʼn aansoek gebring om direk tot die Konstitusionele Hof te appelleer teen ʼn uitspraak van die Kaapstadse hooggeregshof wat die nuwe taalbeleid van die US gehandhaaf het.

Die US se 2016-beleid gee voorkeur aan Engels as onderrigtaal, terwyl klasse in Afrikaans aangebied sal word indien dit redelik en prakties uitvoerbaar is.

Gelyke Kanse het in sy aansoek aangevoer dat die US strydig met die Grondwet, wat onderrig in ʼn amptelike taal van keuse tot op die hoogste vlak waarborg waar dit redelikerwys doenbaar is, onder politieke druk geswig en Afrikaans begin afgradeer het.

Die US het aangevoer die 2016-beleid, in teenstelling met die 2014-beleid, sluit nie swart en Engelssprekende studente uit tot volle en gelyke toegang tot die universiteit nie.

Volgens die US kon die voorsiening vir Afrikaans in die 2014-beleid behoue gebly het deur volle parallelmediumonderrig, maar die koste daarvan sou R640 miljoen in infrastruktuur beloop en ʼn bykomende R78 miljoen per jaar daarna vir bykomende onderrig- en personeelkoste. Dit sou volgens die universiteit ook tot gevolg gehad het dat klasgelde met 20% styg.

Gelyke Kanse voer aan dat die 2016-taalbeleid die US op ʼn trajek geplaas het om te verengels, terwyl die vorige taalbeleid van 2014 omvattend voorsiening gemaak het vir die gelyke gebruik van Afrikaans en Engels op die kampus.

Prof. Philip Spies van Gelyke Kanse het vroeër gesê die uitspraak van die Konstitusionele Hof kan as ʼn toetssaak gesien word oor die kwessie van die reg tot onderrig in Suid-Afrika se inheemse tale op tersiêre vlak en kan rigtinggewend wees vir al 26 Suid-Afrikaanse universiteite, waarvan die meeste slegs onderrig in Engels aanbied.

Volgens hom het die verengelsing van tersiêre instellings ʼn rimpeleffek en kan die beleid later afrol na skole. Hy het gesê talle Afrika-akademici beklemtoon die belang van moedertaalonderrig in die ontwikkeling van Afrika en Afrikaans word as ʼn suksesverhaal voorgehou.

“Alles kan nie verengels net omdat die politiek dit voorskryf nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

13 Kommentare

KOBUS ·

Kan hulle nie Grondwethof toe gaan nie? Is dit nou die einde van die pad?

Charles ·

Hulle was by die sg. “grondwethof” Kobus. Voortspruitende daaruit sit ons nou met die “uitspraak” wat weereens ‘n herinnering is van die heersende swartes se haat en afsku van ons geliefde taal Afrikaans.

Ons enigste opsie is privaatuniversiteite waar Afrikaans sy regmatige plek kan inneem en kan gedy soos hy moet.

legens ·

Ai Kobus , duidelik het jy onderrig ontvang anders as jou huistaal . Nie dat dit sou gehelp het nie .Die Grondwethof en die Konstitusionele Hof is een en dieselfde .

legens ·

Dit is waaragtig arrogansie in die hoogste graad om te verwag dat die wereld sy taalgebruik moet aanpas om `n miniskule groepering se taalonderrig te pas . Dink die mense nou werklik dat die wereld sy tegniese , handels , wetenskaplike , chemise , mediese ens terme na die kombuistaal gaan omskakel ? Absurd . Alles in bykans in Engels , leer dit nou , want in die wye wereld gaan niemand jou antwoord op jou kombuistaalskrywe nie . Jou skripsie sal nerens kom nie . Word nou groot toe .

Charles ·

Ek bejammer jou sienswyse en die aard en inhoud van jou skrywe.
Eerstens: indien jy van oordeel is dat die beledigende toon van jou skrywe en jou verwysing na my wêreldklas, gevorderde taal as “kombuistaal”, my neerslagtig gaan stem of gaan seermaak, ken jy nog nie Afrikaners nie.
Tweedens, indien jy dink mense gaan net staan en ginnegaap en hulself afhanklik maak van Afrikaanshatende en politiese gedienstige staatsuniversiteite en nie iets gaan doen daaromtrent soos om Afrikaanse privaat universiteite te skep en te onderhou nie, maak jy weereens ‘n groot fout.
Derdens, die “uitspraak” het nou hopelik uiteindelik enige naïewe vergissings en naïewe gedagtes wat bestaan het dat daar enige plek vir Afrikaans by staatsuniversiteite is ter ruste gele en nek omgedraai.
Vierdens, hierdie besluit gaan net weereens gemoedere opsweep en dit in die regte aktivistiese rigting kanaliseer sodat nuwe planne gemaak kan word en hoop gegee kan word aan mense wat lief is vir hulle taal,ten einde terug te druk teen hierdie onreg,en die leemte wat nou geskep is, wie weet; miskien is die ouens nou so wakker dat hulle besluit dat daar nie slegs ‘n Akademia moet wees nie maar sommer ook nog ‘n nuwe privaat Afrikaanse universiteit bykomend daartoe in die Suid – en Weskaap. Dit is duidelik dat daar in Stellenbosch, in ‘n oorwegende Afrikaanse provinsie nogal, nie meer ‘n toekoms vir Afrikaans is nie. Slegs Pukke bly staan as Afrikaanse bolwerk.

Milner ·

Dit is te verwagte. Politieke hof. ‘n Boom word aan sy (vorige) vrugte geken. En ‘n oud-regter van hierdie hof is nou Kanselier van die US. Kamerade kyk na mekaar soos die Afrikanerbond.

Koos de Meyer. ·

Dis maar net om te sorg vir al die onwettige immigrante wat vrylik rondloop en dan ook nog betoog as hulle nie hulle sin kry nie. Ons belasting geld word weereens gemors want ek wonder hoeveel van hulle regtig Engels magtig is.

Pieter ·

Die Afrikaner moet hul beursies toemaak teenoor instellings wat Afrikaans wil afskeep. Koop eerder in by Solidariteit en help om ‘n suiwer Afrikaanse Universiteit daar te stel waar almal wat Afrikaans praat kan studeer. Hou op gatkruip by die Staat!

Arnold ·

Afrikaans is ‘n taal wat nogsteeds groei en ja ons gaan ons kinders self moet onderrig in die toekoms….gelukkig is solidariteit reeds besig daarmee

PJC ·

Die feit dat regter Ronald Hendriks van Coligny faam deur die president benoem is om as ń adjunk regter president aangestel te word wys mos duidelik in watter toestand ons regstelsel verkeer so mense moet nie te hoë verwagtinge van die grondwetlike hof verwag nie. Die ideologie sal altyd bo die grondwet gestel word.

Henk ·

Die britte en die illuminati kon die boere niks doen nie. Hulle kon nie n oorlog wen nie en het ons vrouens en kinders toe begin verkrag en aanhou in konsentrasiekampe. En nou speel hulle n gevaarlike speletjie en met die ” regte:” mense in die sg konstitusionele hof forseer hulle die boere se hand!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.