Vier konstruksiewerkers is beseer van wie een in ʼn kritieke toestand toe ’n struktuur op ’n bouterrein in die Olifantsfontein-omgewing in Gauteng meegegee het.
Die ambulansdiens Emer-G-Med sê paramedici is vroeër vandag na die bouterrein ontbied nadat ’n struktuur bo-op vier mans ineengestort het.
’n Man in sy 50’s is by paramedici se aankoms op die toneel vasgekeer onder die puin van die gebou aangetref.
Paramedici het die man probeer stabiliseer terwyl die Tshwane-brandweer gespook het om hom onder die puin uit te kry.
Die man is ná ’n lang gesukkel bevry en inderhaas na ’n hospitaal vervoer vir verdere mediese behandeling.