Konstruksiewerker sterf na hy in sloot val

ʼn Konstruksiewerker is Maandag dood nadat hy en ʼn medewerker in ʼn sloot geval het by die Blue Hills-winkelsentrum in Midrand.

Robert Mulaudzi, woordvoerder van die provinsiale nooddienste, het gesê die 53-jarige konstruksiewerker was in die sloot vasgekeer. Hy is op die toneel dood verklaar.

Mulaudzi het gesê die ander konstruksiewerker is uit die sloot gered en is in ʼn kritieke maar stabiele toestand na die Sunninghill-hospitaal geneem.

Die oorsaak van die ongeluk word ondersoek.