Paramedici is Woensdagmiddag na ʼn toneel in La Lucia in KwaZulu-Natal ontbied waar ʼn struktuur omgeval het.
Shawn Herbst, woordvoerder van Netcare 911, het gesê paramedici het omstreeks 13:20 by die toneel in Lady Ellen-singel opgedaag. “ʼn Betonstruktuur het op ʼn konstruksiewerker omgeval. Die persoon het nie enige tekens van lewe getoon nie en hy is op die toneel dood verklaar.”
Beamptes van die brand- en reddingsdiens en die SAPD was op die toneel en het gehelp om die man se liggaam onder die puin te verwyder.
Struktuur op die rand van n uitgrawing in sagte grond. Dit is strafbare manslag! Die inpektoraat gaan iemand erg aan die pen laat ry en dit is reg so. Die onbevoedheid van konstruksiebestuurders en beroepsveiligheidsbeamptes kom al te lank met hierdie gemors weg.
Skedule en kostes is al vir te lank projekte se hoof dryfkrag.
Die arme werker. Wou net werk toe kom. ‘n dag se werk doen en rustig huistoe gaan. Nou is daar ‘n gesin wat ‘n droewige Kersfees kry. En daardie vlak werkers het nie ‘n 2.4 miljoen polis nie.
Verontagsaming van basiese veiligheidsmaatreëls.
Ek hoop sy familie sit ‘n R2,4 milj. eis in.
Dit was regtig waar ‘n ongeluk wat kon voorkom gewees het. Tragies.