Die konstruksiewerker wat uit die sloot in Hammanskraal gered is (Foto: Verskaf)
’n 29-jarige konstruksiewerker is Maandag uit ’n drie meter diep sloot in Hammanskraal noord van Pretoria gered toe die walle daarvan skielik meegegee het.
Charles Mabaso, woordvoerder van die Tshwane-nooddienste, sê reddingswerkers is vanoggend kort na 11:30 na die toneel ontbied en het die man in ʼn sloot by ʼn Eskom-substasie in Hammanskraal aangetref.
“Volgens inligting wat ons op die toneel ontvang het, was die werker besig om in die sloot te werskaf toe gedeeltes van die kante skielik ineengestort het,” sê Mabaso.
Brandweer- en nooddienste probeer die konstruksiewerker uit die sloot red (Foto: Verskaf)
Die man werk vir ʼn subkontrakteur van Eskom.
Die werker het tydens die voorval sy linkerbeen gebreek en moes met ʼn hidrouliese hyskraan uit die sloot gelig word.
Hy is teen 13:25 per helikopter na die Netcare Milpark-hospitaal vir verdere mediese behandeling geneem.
Wonder watter persoon het die uitgrawing goedgekeur. Volgens die fotos blyk daar baie regulasies wat oortree is.
Health en safety regulasies het weereens nie bestaan nie.
Regaf walle op 3 meter ?
Wat is fout met dit, wil seker n blok gooi, was weer daar waar hy nie moet wees nie.