Vier konstruksiewerkers is Maandag beseer tydens ʼn voorval by die hawe in Durban.
Volgens Robert McKenzie, woordvoerder van KwaZulu-Natalse nooddienste, het die mans verbeteringwerk op ʼn steenkoolhouer gedoen, toe dit ineengestort het.
“Die mans het sowat 6 meter ver geval,” het McKenzie gesê. Die werkers is op die toneel gestabiliseer en na ʼn nabygeleë hospitaal geneem vir verdere behandeling.
Dit is nog nie bekend wat die ineenstorting veroorsaak het nie. Die betrokke owerhede stel ondersoek in.