Konsultasies oor vlak 3 begin

Pres. Cyril Ramaphosa. Foto: Presidensie/Twitter

Pres. Cyril Ramaphosa sal vandag as voorsitter dien van ʼn virtuele vergadering van die nasionale ekonomiese ontwikkelings- en arbeidsraad (Nedlac) wat sal beraadslaag oor die oorgang na vlak 3.

Ramaphosa het Woensdagaand tydens ʼn regstreekse toespraak aan die land gesê dat groot dele van die land teen einde Mei na vlak 3 van die afsonderingstydperk kan skuif.

Khusela Diko, Ramaphosa se woordvoerder, het gesê vergaderings van Nedlac se verskillende afdelings is die begin van omvattende konsultasie tussen die regering en verskillende sektore van die samelewing en die ekonomie oor die moontlike vordering tot vlak 3, soos beloof deur die president.

“Die vlak sal ’n meer uitgebreide heropening van die ekonomie behels en die opheffing van beperkings op beweging. Die vergadering sal ook fokus op die versagting van die ekonomiese impak van die pandemie en die gevolglike afsonderingstydperk in Suid-Afrika.”

Volgens Diko is Ramaphosa deurlopend in gesprek met verskillende sektore van die samelewing rakende die bestuur van die nasionale ramptoestand sedert die regering die eerste keer opgetree het om die uitbreking van die Covid-19-pandemie in die land te beperk.

Ramaphosa het Donderdag tydens ʼn besoek aan die Oos-Kaap gevra dat mense nie onnodig omgekrap raak oor die toepassing van die afsonderingsmaatreëls nie. “Ons besef dat die manier waarop ons die afsondering toepas nie almal tevrede stel nie, maar ons kan julle verseker dat ons ingeligte besluite neem.”

President Cyril Ramaphosa gedurende sy toespraak Woensdagaand. (Foto: Jairus Mmutle/GCIS)

Ramaphosa het ook meer duidelikheid begin gee oor die oorgang na vlak 3. Volgens Ramaphosa sal talle dele van die land na vlak 3 oorbeweeg, maar sal daar gekonsulteer word oor die dele van die land waar die infeksiekoers hoog is.

“Natuurlik gaan ons almal nie saamstem met die strategiese benadering wat ons volg nie, maar ons glo die strategiese benadering is geskik vir die doel om ons in staat te stel om die lewens van ons mense te red.”

Ramaphosa is ook uitgevra oor die verbod op die verkoop van alkohol en sigarette. Hy het gesê daar sal hieroor gepraat word tydens die konsultasies oor watter maatreëls vir vlak 3 moet geld. “Ons wil hê elke Suid-Afrikaner moet deel van die proses wees.”

Ramaphosa het veral op sosiale media onder skoot gekom oor Woensdagaand se toespraak met talle wat meen hy het nie eintlik enige nuwe inligting verskaf nie.

Die DA en die VF Plus het Donderdag aangekondig dat hulle die howe sal nader rakende die voortgesette algehele landwye afsondering.

John Steenhuisen, leier van die DA, het tydens ’n virtuele mediakonferensie gesê dié party se regsverteenwoordigers het hofstukke by die hooggeregshof ingedien om die rasionaliteit van drie van die afsonderingsregulasies te beveg. Dié regulasies sluit in die aandklokreël, die verbod op e-handel en die beperkte oefentye gedurende die afsondering. Die regering het egter laatmiddag bekend gemaak dat alle aanlyn kleinhandel nou toegelaat word.

Volgens Steenhuisen sal die DA se regspan egter Vrydag ook hofstukke indien om die grondwetlikheid van die afsonderingsregulasies te bevraagteken.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Jan

Partykeer wonder ek of ek blond is. Ek kyk graag BBC. Ander lande se pres.en ministers is oop . Hulle verduidelik. Hulle beandwoord vrae . En gee andwoorde. Kyk vir Trump en Borris. In suid Afrika kruip hille weg . Hulle praat in afsondering. Daar is nooit n boodskap in hulle toespraak nie. In my onderfindig in die lewe het ek nog nooit n staats amptenaar gehoor se hy is skuldig nie
Hulle weet niks hulle loop rond met grade wat hulle gekoop het.

Hoekom

Stel vlakke in maar het geen idee wat elke vlak behels nie.

Karlahari

Ek werk in Lesotho.
Vandat lockdown begin het mag ek nie oor die grens nie.
My salaris in April was vir die 2 publieke vakansie dae en in Mei gaan dit dieselfde wees.
In inligting wat 200 respondente verskaf het verskaf ons tussen ons werk aan 30,000 Basotho.
Meeste van die fabrieke werk teen minder as 50% kapasiteit.
Daar is geen sprake dat die grens vir besigheids eienaars of bestuur sal oopmaak nie. Alhoewel vragmotor bestuurders daagliks die grens oorsteek.
En Offisieël het Lesotho net een geval van Covid….

Aubrey

Hoekom nou eers? As daar nie druk van die privaat sektor was nie was ons teen Kersfees nog op vlak 4

Erica

Ag asb!! Ons almal weet hy is nie die voorsitter van enige iets nie. Se liewer jy wag vir die zol roller om vir julle te se wat om te doen. Want vaderland ek weet nie wie is dood met die virus en haar toe koning gemaak nie