Koperdiefstal is ekonomiese sabotasie, sê Mbalula

Fikile Mbalula (17 Februarie 2020) (Foto: Bongani Shilubane/African News Agency/ANA)

Fikile Mbalula, minister van vervoer, het Dinsdag in die parlement aangevoer koperdiewe moet van ekonomiese sabotasie aangekla word, en nie gewone diefstal nie.

Mbalula het aan die portefeuljekomitee oor vervoer gesê koper spoorwegkabels word deur Mosambiek na Indië uitgevoer deur sindikate en om eenvoudig die verdagtes van diefstal aan te kla, takel nie die probleem wat die spoorweë lamlê nie.

“Vir hierdie misdade moet jy tronk toe gaan. Dit is ekonomiese sabotasie,” het hy gesê.

Volgens hom word die verdagtes vinnig op borgtog vrygelaat en sal waarskynlik “dieselfde middag nog” weer kabels steel, omdat dit so ʼn winsgewende praktyk is. Hy meen werknemers van die Passasierspooragentskap van Suid-Afrika (Prasa) werk ook saam met die diewe en sindikate.

Die Suid-Afrikaanse Kamer van Koophandel en Nywerheid beraam kabeldiefstal kos die ekonomie tussen R5 miljard en R7 miljard per jaar.

Mbalula versoek ook behoorlike intelligensie-ondersoeke om te bepaal wie die meesterbreine is wat verantwoordelik is daarvoor dat treine aan die brand gesteek word. Hy het verwys na tieners wat in November verlede jaar in Kaapstad aangekeer is ná hulle 18 treinwaens aan die brand gesteek het, aan polisie gesê het hulle het “gespeel”. “Dis 03:00 en hulle sê hulle het gespeel. Om 03:00?!” Skade uit dié brandstigting het meer as R60 miljoen beloop.

Albert Fritz, provinsiale LUR vir gemeenskapsveiligheid, het in daardie stadium gesê persone, wat betrokke is by aanvalle op die spoorwegstelsel, sal in die toekoms vervolg word kragtens die onlangse Wet op die Beskerming van Kritieke Infrastruktuur wat vonnisse van tot 20 jaar kan beteken.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Johan Venter

Dis baie erger, ek sal hulle eerder van ekonomiese verraad aankla!

henndrik

Daar moet wette ingestel word dat koper nie deur skrootmetaal werwe aangekoop of vrkoop mag word nie. Indien hulle met koper betrap word moet daar groot boetes wees en die skrootwerf gesluit word. Skep ‘n gereguleerde mark soos met goud

Sarel

Ekonomiese Sabotasi e ….. het hy nuwe woord geleer. Die volledige Regeringstelsel van die Parlement tot by Munisipaliteite pleeg die soort Sabotasie.

Snowball

Staatskaping en korrupsie in staatsondernemings is ekonomiese sabotasie, o intellektuele reus.

Nell

Plaasmoorde is ekonomiese sabotasie en verraad in die ergste graad, want dit ondermyn voedselsekerheid en sakevertroue. Dit behoort as ‘n halsmisdaad verklaar te word!