Argieffoto
Pick n Pay het ʼn spesiale inkopie-uur vir pensioenarisse (persone ouer as 65) aangekondig.
Pick n Pay sal vanaf 18 Maart sy supermarkte elke Woensdag ʼn uur vroeër oopmaak. Persone ouer as 65 sal eksklusief tussen 07:00 en 08:00 inkopies kan doen. Klante sal ʼn geldige ID-dokument moet toon om die winkel in dié tyd te betree.
John Bradshaw, uitvoerende hoof vir handeldryf by Pick n Pay, het gesê dié inkopie-uur spruit uit ʼn voorstel deur die aanlyn gemeenskap. “Ons het vinnig met ons takke saamgewerk om dit ʼn realiteit te maak.”
Hy het gesê die maatskappy wil die welstand van sy klante ondersteun. “Ons weet die nuwe koronavirus is ʼn groter bedreiging vir ouer mense. Dit is dus belangrik dat ons ouer klante so ver as moontlik ʼn beperking moet plaas op die getal kere wat hulle in besige ruimtes moet wees. Hierdie toegewyde inkopie-uur vir ons ouer klante bied aan hulle eksklusiewe gebruik van die winkel.”
Smart Shoppers ouer as 60 sal ook dubbelpunte verdien.
Wil jy op die hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.
Wel gedaan Pick & Pay oulike idee en seker die oumensies sal dit waardeer. Hoop net daar is darem iets op die rakke vir hulle om te koop ;-)
Hopenlik wag die skelms nie die arme ou mense wat juis kwesbaar is dan in nie. P&P reel asb ekstra.kar wagte en sekuriteits wagte vir daardie tye op n woensdag
Pick N Pay inkopie-uur, en dit nou van 7 – 8 vm op Woensdae vir pensioenarisse, wat ‘n onsensitiewe besluit vir die oues van dae! Dus moet baie al tussen 5 & 6 uur die oggend opstaan.
Hoe kom hulle by die winkels uit en wie neem hulle terug huis toe, dis nou daardie wat nie eie vervoer het nie?
En wat van daardie oues van dae wat nie in ‘n stedelike woongebied bly nie?
Is Pick N Pay ernstig met die oumensies of gaan dit oor reklame om eerste te wees?
Ai….nou waneer moet pick n pay dan hul deure uitsluitlik oophou vir die bejaardes? 8h-9h saans wanneer meeste van hulle al wil gaan slaap, of moet gewone klante om middagete verbied word om sodoende die ou mense te kan akkomodeer? My ouers wat bejaard is (beide 76) dink dis n puik idiee.
dan is dit juis in hierdie tyd dat ons jonger mense die ou mense moet bystaan wat nie self by die winkels kan uitkom nie. ons kan aanbied om hul inkopies vir hulle te gaan doen. dit is juis hier waar liefde vir ons naaste belangrik is
Die personeel gaan uit hul pad om vroeër werk toe te gaan. Meeste ouer mense staan in elk geval vroeg op. Dit is ‘n puik idee. Johan, hou net op kla asseblief!!!!
Presies reg Johan. As mense my daarby nog ‘n “ou mensie” noem kry ek horries. Goeie reklame geleentheid. Soos hulle sê – ‘never waste a good crisis’.
Mens moet gaan waar en wanneer jy gemaklik en veilig voel. Seker maar dankie sě vir die gebaar.
Sou jy verkies dat P’nP die status quo handhaaf en géén poging aanwend nie? Watter uur stel jy voor? As jy wil kerm sal jy ‘n rede kry.
Nicolene, Pick n Pay se kasregisters/betaalpunte is nooit ten volle beman nie, dalk maar so die helfte, ongeag dit kon hulle eerder later die oggend vir ‘n vasgestelde uur, sê bv 5 of ‘n ander getal betaalpunte, gelang die behoefte wat die winkel ondervind, vir die oumense reserveer. Die ander klante beweeg dan soos normaalweg deur die ‘gewone’ betaalpunte.
Dankie P & P.
Ek weet nie regtig hoeveel dit gaan beteken as die produkte op die rakke besmet is met die virus nie?
Ek stel voor jy boikot P’nP.
Dit is ‘n baie mooi gebaar, mense van vandag het geen meer respek vir ons oumensies nie.
in die 1ste plek goeie idee Maar dis te vroeg , Maar hoekom nie vir pensionarisse van 60 af op nie, En hoeveel van die ouer persone gaan somme inkopies doen vir hul kinders ook , En hoekom nie op pensioen betalings dag nie van die pensionarisse kry maaaar net R1800 per maand,En hoekom net 1 dag n week , En gaan da genoeg voorraad vi hul wees , En ek vra maar net
Ek sien die volgende maatreël is deur ‘n instansie wat onder andere kos verkoop ingestel:
“When our drivers arrive at your delivery address, they have been instructed to ring the bell, and stand back at a safe distance.
As a precaution, during this time we will package your order in bags so that you don’t need to handle any delivery containers.
The drivers will place the bags at your door and wait for you to answer.
The driver will then record your name, with the date and time of delivery in front of you, so you won’t need to sign any paperwork.
You then collect your items and head back indoors; the driver will take any delivery containers and head off.”
Nou vra ek, wat dan van die werkers in die supermarkte wat daagliks met die kos en verpakkings in die rakke help, die publiek wat die items hanteer, dan ook daardie persone by die kasregisters?
Dit is nou ‘n baie goeie idee, maar wat help dit die seniors kom daar soos vanoggend en die rakke is dolleeg. Hulle het nie die rakke die vorige dag aangevul nie. Nie in die geval so ‘n goeie idee nie.
Ons P&P maak al vir jare lank 7h00 oop in die oggende. Maar ek hoop die oumensies word ook gehelp gedurende hierdie uur want baie van hul het hulp en bystand nodig.
Moedeloos, die Pick n Pays hier by ons is al drie in winkelsentrums geleë, al die winkels daarin se ure is van 9 vm tot 6 nm, dit word deur die sentrum se bestuur bepaal, so ek weet nie wat Pick n Pay se hoofkantoor daaromtrent kan doen nie. Sekuriteit, die werke is volgens daardie ure, parkeerruimtes se hekke word ook daarvolgens beheer.