‘n Skermskoot uit die video toon hoe die veiligheidswag voor die bakkie staan. (Video: Intelligence Bureau SA)
Die man wat verlede jaar by Die Boord-winkelsentrum in Stellenbosch oor ʼn motorwag gery het, is tot drie jaar korrektiewe toesig gevonnis.
Johan Steyn het Mzwanele Wellem in April 2019 in die parkeerterrein van die winkelsentrum met sy Corsa-bakkie gestamp en daarna oor hom gery.
Hy is in Mei vanjaar skuldig bevind aan poging tot moord.
Die veiligheidswag lê bewegingloos op die grond nadat die voertuig oor hom gery het. (Skermskoot: Intelligence Bureau SA)
Eric Ntabazalila, woordvoerder van die Nasionale Vervolgingsgesag (NVG) in die Wes-Kaap, het bevestig dat Steyn ses jaar tronkstraf opgelê is, wat vir vyf jaar opgeskort is. Sy rybewys is ook vir ʼn jaar lank opgeskort.
Steyn het tydens die hofverrigtinge aangevoer dat hy nie die bedoeling gehad het om Wellem dood te maak nie.
Maroela Media het vroeër berig ʼn video van die voorval het opslae op sosiale media gemaak. Dit wys hoe Wellem die verkeer probeer reguleer en effens voor Steyn se bakkie staan. Steyn ry dan oomblikke later oor Wellem, wat vermoedelik nie uit die pad wou beweeg nie.
Steyn het hom na die voorval aan die polisie oorgegee, waarna hy op borgtog van R2 000 vrygelaat is.
Hel is dit wat ‘n lewe werd is? Skreiende skande die stelsel met vonnisoplegging
Partykeer voel ek helemal vasgevang deur karwagte – hulle wag letterlik agter ‘n mens se kar, en tensy jy nie die kleingeld bymekaar kan kry nie, weier hulle dat mens uittrek en dan raak ek totaal en al bang en weet nie wat om te doen nie, en dan soek ons maar vir elke bietjie geldjie wat ons het net sodat hulle uit ons pad kan kom.
Moet jou nie laat intimideer nie. Se net eenvoudig van die begin jy benodig nie ekstra ‘sekuriteit’ vir jou kar nie.
Die vonnis maak nie vir my so lekker sin nie en ek dink dis onvanpas. Hy het doelbewus oor daai man gery en toe weg van die toneel. Hulle maak my ook briesend kwaad, maar heng, om oor hom te ry en dan weg is ander storie
absoluut skokkende vonnis vir poging tot moord
Dit maak my mal kwaad wanneer ‘n karwag my probeer stop om ander voertuig te laat ry. Karwag is nie ‘n verkeersbeampte en is nie daar om voertuie die verkeer te reguleer. Sy werk is om voertuie op te pas. Wat het motoriste gedoen voor daar karwagte was? Geduldig gewag.
Ek het nog nooit n geval gehad waar die karwag nie wil padgee agter my nie. Ek probeer n geldjie he vir hulle alhoewel dit al baie gebeur het dat ek nie n sent het nie. Dan draai ek my ruit af en se vir hom eks baie jammer, maar ek het niks vandag nie. Nog altyd was hul dan net vriendelik en se dis reg, ek kan more weer gee. Ek dink kommunikasie los baie probleme op!
Ek kan verstaan dat hy kwaad geword het omdat hy moes wag, maar ongeduldigheid kan baie probleme veroorsaak. Partykeer maak die karwagte my ook maar warm onder die kraag, maar dan onthou ek dat die persoon darem nie hom- / haarself to misdaad laat daal nie en gee ek maar ‘n paar rand.
Humeur en ongeduld kan vir jou groot skade maak. Dit is net bloot nie die moeite werd nie.
Wil ook verstaan hoe die poging tot moord vonnis opgeskort is en korrektiewe toesig voorgestel is.
Hulle maak mens regtig so kwaad as hulle doelbewus die parkering blok of agter jou voertuig staan en weier om pad te gee voor jy hulle betaal so asof die parkeer area aan hulle behoort.
Mens kan maar net kop skud en vra “what were you thinking?” Sekerlik kan jy dit nie mis kyk of mis voel, as jou kar se wiele oor ‘n liggaam ry nie….boep, in sekonde se stilte en dan weer boep. En dan instede om stil te hou jaag jy weg!