Korrupsie-aanklagte teen voormalige Tshwane-beamptes

Solly Msimanga, die burgemeester van Tshwane. Foto: http://da-gpl.co.za/

Solly Msimanga, die burgemeester van Tshwane. Foto: http://da-gpl.co.za/

Solly Msimanga, die burgemeester van Tshwane, het Woensdag aanklagte van korrupsie ingedien teen senior beamptes van die stad se vorige administrasie.

Die Stad Tshwane het in ʼn verklaring gesê die aanklagte spruit uit twee forensiese verslae in Msimanga se besit. Die verslae, wat deur twee eksterne ouditmaatskappye saamgestel is, bevat na bewering besonderhede van korrupsie, bedrog en die misbruik van openbare fondse in twee projekte wat deur die stad se vorige leierskap bestuur is.

Volgens Msimanga is R90 miljoen glo bestee aan die stadsaal-projek en “weelderige opgraderings” aan die burgemeester se kantoor by die stadsaal. “[Die opgraderings het] die historiese gebou beskadig, dit onbruikbaar gelaat en beslis nie die enorme koste daarvan regverdig nie,” het Msimanga gesê.

Die aanklagte is teen drie senior beamptes van die vorige administrasie ingedien, asook drie entiteite wat gekontrakteer is om die werk te doen. Een van die beamptes was ʼn senior beampte in die voormalige burgemeester se kantoor, terwyl die ander ʼn senior verkrygingsbeampte was. Hul name kan egter nie bekendgemaak word nie, aangesien hulle nog nie formeel deur die SAPD aangekla is of in die hof verskyn het nie.

“Ek het die korrupsieaanklagte ingedien omdat ek die mense van Tshwane belowe het ek sal korrupsie uitroei en sorg dat diegene wat voorheen ʼn korrupte administrasie gelei het, vervolg word,” het Msimanga gesê.

“Hierdie aanklagte is net die eerste klomp korrupsie-aanklagte wat ingedien is. Daar is ʼn hele web van korrupsie wat ek tans oopvlek en nog aanklagte teen ander beamptes en voormalige leiers sal volg. Ek is vasbeslote om korrupsie in Tshwane heeltemal uit te roei.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
bobbo

So bek kort Jam!!! Sluit hulle toe en gooi die sleutels weg.

Jakkalas

Hier kom ‘n ding….die howe en tronke gaan vol raak.

Anel

Hoop hy kyk ook na al grond wat so links en regs net.weggegee is!

UJ

O lala DA julle sal ‘n begroting moet optrek vir tronke wat gebou moet word.

Andrea

Ek wens hy kan ook sommer iets aan die taxi’s doen wat ons so mal maak met hul wettelose bestuurstyl en aanhoudende getoeter.