‘Korrupsie lê SA spioene lam’ – Ramaphosa

Pres. Cyril Ramaphosa by die Zondo-kommissie van ondersoek na staatskaping. (Foto: Elmond Jiyane, GCIS)

Pres. Cyril Ramaphosa het Donderdag tydens sy getuienis by die Zondo-kommissie van ondersoek na staatskaping gesê Suid-Afrika se intelligensieagentskap is lamgelê nadat dit gebuk gegaan het onder korrupsie tydens oudpres. Jacob Zuma se bewind.

Ramaphosa het aan die kommissie gesê die land het ʼn tydperk van staatskaping onder Zuma beleef wat ʼn aantal staatsinstellings verwoes het.

Die Staatsveiligheidsagentskap (SVA) was glo een van dié instellings wat in die gedrang gebring is.

Ramaphosa se getuienis volg kort nadat onluste in KwaZulu-Natal en Gauteng uitgebreek het. Dié onluste het gerugte van sabotasie en die mislukkings van intelligensiehoofde om die polisie en lede van die publiek vroegtydig te waarsku, aangevuur.

Maroela Media het vroeër berig dat ʼn intelligensieverslag oor die moontlike versperring van paaie en aanvalle op winkelsentrums na bewering nooit aan die polisie oorhandig is nie.

(Foto: Elmond Jiyane, GCIS)

In ʼn poging om die agentskap weer op dreef te kry, het Ramaphosa die SVA na die kantoor van die presidensie geskuif – glo om ʼn fyner oog op die instelling te hou en van moontlike ongure rolspelers ontslae te raak.

“Ons was in ʼn diep gat en ons probeer weer bo uitkom. Ons is vasbeslote om te slaag en ons sal slaag.”

Ramaphosa het Woensdag sy getuienis by die Zondo-kommissie hervat. Hy het gesê dat Zuma se destydse besluit om Nhlanhla Nene met Des van Rooyen as minister van finansies te vervang, ʼn kaping van die nasionale tesourie was.

Hy het egter besluit om as adjunkpresident aan te bly om die kaping te help takel.

Ramaphosa is dieselfde dag gevra oor sy beweerde aandeelhouding in die omstrede Optimum Coal Mine en Optimum Holdings wat in die berugte Gupta-broers se hande beland het. Luidens sy verklaring het hy in 2013 as direkteur van Optimum Holdings bedank en in 2014 sy aandele verkoop voordat hy as adjunkpresident van Suid-Afrika aangestel is.

Die Zondo-kommissie sal sy werk na verwagting teen die einde van September afhandel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Kobus

Engeltjie! Nou almal se skuld. Hy moet tog net nie in trane uitbars nie. Nou is JZ die enigste skuldige. Geen “guts” gehad om teen JZ op te staan nie. As regter Zondo sy stories glo kan hy net sowel aan die tandmuis glo

Werner

Die intelegensieagentskap moet nog steeds lamgele wees.Hulle kondan nie eers agtergekom dat die onluste sou uitbreek nie.Wonder of Cyril dink ons moet sy twak glo.Hy is nou met mense deurmekaar wat verstand het.Glo hy het homself net do lekker gehelp.

Pieter

En jy het van niks geweet nie loop VOETSEK

Keith

Great. So now we have confirmation about everything that everybody already knew . Also very admirable to hang in there from 2014 to 2018 as Dep Pressie, and all the time knowing that the ship was sinking. Could’ve at least tried to put the drainplug back in.

Mariana

Hoe gebeur so iets reg onder jou neus en jy is onbewus van als, nee regtig? Ons glo niks wat julle uiter nie. Hy het dit laat gebeur en was en is steeds bang vir Zuma. Hoekom is die ANC so bang vir hom, hy is net mens, nie tokolosh………..