Pasiënte van staatshospitale in Gauteng sal nou toegelaat word om een besoeker per dag te ontvang. Besoektyd word egter tot 15 minute beperk.
Die provinsiale departement van gesondheid het Dinsdag dié verandering in sy hospitale se besoektye aangekondig nadat besoekers maande lank weens die Covid-19-pandemie verbied was.
Kwara Kekana, woordvoerder, sê die aangepaste besoektye sal pasiënte se familie en vriende in staat stel om by hul geliefdes in die hospitaal te kuier terwyl hulle steeds aan Covid-19-veiligheidsmaatreëls voldoen.
Besoekers se temperatuur sal voor die besoeke geneem word en almal sal vir moontlike simptome van Covid-19 gesif word.
Kekana sê familielede moet ook die kontakbesonderhede van die betrokke saal waar ʼn pasiënt behandel word bekom sodat hulle kan bel om inligting oor ʼn geliefde se toestand te kry, eerder as om die hospitaal self te besoek.
Te laat vir my, het weke terug n naaste aan dood afgestaan in hospitaal, kon hom nie groet nie.
So die virus dra eers na 15 minute oor, nog ‘n belaglike ondeurdenkte reel
Dit gaan nie oor die virus nie, maar om mense fie geleentheid te gee om hul siek familielede te besoek.
Uiteindelik na maande se baklei sal familie lede nou sien hoe hul geliefdes medies nalatig behandel word. Nou kan die hof sake begin om dokters tronk toe stuur vir mediese nalatigheid en Jan publiek kan vergoeding kry.
Waar is jou bewyse vir jou bewerings?