Koue kom; sneeu word verwag

Argieffoto: Jason du Preez/Snow Report SA

Argieffoto: Jason du Preez/Snow Report SA

Kapenaars kan solank hul komberse nadertrek vir die yskoue weerstoestande en sneeu wat teen Sondag verwag word.

Volgens ʼn persverklaring van Snow Report word ligte sneeu van Sondagoggend oor die bergpieke in Suidwes-Kaap verwag wat deur die middag en aand sterker sal word. Sneeu op die Cederberg-reeks word van Maandagoggend voorspel.

Die gebied rondom Ceres en veral Matroosberg sal swaarder sneeu ontvang wat tot 15 cm dik kan lê, het Snow Report gesê. In laerliggende dele sal ligte reën ook voorkom.

Ander dele van die land sal die bibberweer egter nie vryspring nie. Nóg ʼn kouefront sal later volgende week inbeweeg wat na verwagting die Wes-Kaap, Oos-Kaap, KwaZulu-Natal en dele van die Vrystaat sal affekteer.

Volgens Lulama Chene, ’n voorspeller by die Suid-Afrikaanse Weerdiens, word baie koue toestande en swaar reënval in die Overberg-distrik en die suidelike wynlande verwag. Rowwe seetoestande sal ook van Kaap Columbine tot by St. Francis voorkom, het Chene gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

jacques ·

Lekker laat my sommer terug verlang na Rusland waar ek nog nie was nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.