Krag na dele van Oos-Kaap herstel ná storm

Foto ter illustrasie. (Foto: Unsplash)

Eskom sê elektrisiteitstoevoer is Vrydag na meer as 65% van geraakte verbruikers in die Oos-Kaap herstel.

Kragtoevoer na gedeeltes van die provinsie is onderbreek nadat stormweer groot skade aan Eskom-infrastruktuur aangerig het.

Verskeie netwerkpersele is steeds onbereikbaar weens beskadigde paaie. Nietemin sal toegang tot sommige persele met behulp van ʼn helikopter verkry word.

“Die gebiede wat meestal geraak word, is in hierdie stadium Mthatha, Qunu en Idutywa.

“Eskom doen ʼn beroep op mense om geduldig te wees terwyl herstelwerk voortduur. Ons raai kliënte aan om alle elektriese toestelle as gevaarlik te ag, aangesien die elektrisiteitstoevoer enige oomblik herstel kan word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.