‘Kragmeter-skandaal laat Nkandla soos kleingeld lyk’

Argieffoto.

Argieffoto.

AfriSake het Dinsdag gesê die omvang van die bedrag belastingbetalersgeld wat as deel van die Tshwane-metroraad se omstrede voorafbetaalde kragmeterkontrak met die maatskappy PEU Capital verkwis is, laat die geld wat op president Jacob Zuma se privaat landgoed by Nkandla bestee is, soos kleingeld lyk.

Willie Spies, AfriSake se regsverteenwoordiger, het die gevolgtrekking gemaak nadat AfriSake se regspan die afgelope naweek vir die eerste keer die ooreenkoms onder oë geneem het waarin die Tshwane-metroraad onderneem om minstens R950 miljoen te betaal.

Die Tshwane-metroraad het vroeër geweier om die voorwaardes vir die kansellasie van die omstrede kontrak met PEU Capital bekend te maak. Dit het onlangs bekend geraak dat die metroraad op die punt staan om ʼn bedrag van R950 miljoen aan PEU Capital oor te betaal, maar die betaling is voorlopig opgeskort nadat AfriSake verlede week die hof dringend daaroor genader het.

Volgens ʼn hofbevel wat verlede week oor die ooreenkoms tussen die partye gemaak is, staan die hofaansoek oor tot 5 Julie en is die metro gelas om ʼn afskrif van die kansellasie-ooreenkoms, die waardasie en tersaaklike dele van die begroting aan AfriSake te lewer.

“Terwyl PEU Capital, sowel as die stadsraad, deurlopend die versekering gegee het die R950 miljoen is vergoeding vir infrastruktuur wat PEU Capital aan die raad verkoop het teen ʼn objektiewe waardasie, blyk dit nou die prys is ʼn bedrag waarop ooreengekom is en die waardasie is volgens ontoepaslike maatstawwe gedoen,” het Spies in ʼn verklaring gesê.

Hy het gesê volgens die waardasie is die infrastruktuur as ʼn lopende besigheid gewaardeer, deur die toekomstige inkomstestroom te verdiskonteer teen huidige waarde.

“Wat die metroraad dus gedoen het, was om eers 19,5% van sy inkomstestroom uit elektrisiteit gratis aan ʼn kontrakteur weg te gee en dit nou weer terug te koop teen die waarde van daardie inkomstestroom. Dit druis in teen alle norme en rasionaliteit,” sê Spies.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Plaasjapie

Ek dink ons kan seker wees dat ons maar net die punt van die ysberg sien.

m

Daars nog baie sulke gevalle. Iewers maak iemand miljoene uit ons uit… Dis mos hoe die nuwe SA werk.

Piet

So ry die trein so ry die trein die anc se sous trein wat n skande en hulle voel nie eers skuldig nie n mens kan dit verwag van n std 4 mentaliteit hoe dan nou anders

viva afrikaans

Met al daaie geld wat hul so mors kon hul al hul universiteite,handboeke en gekwalifiseerde dosente in al die ander inheemse tale,asook behuising v baie,beter mediese sorgens ens ens ens ens rn die lys gaan aan ens ens gehad het,maar nee vat afbreek en”demand” is lekker.

neelsie

Selfverryking en gierigheid.
Hoeveel van die geld is in die burgemeester se sak?
Die skandelike gedrag van ons leiers laat die massas optree soos nou in Pretoria.
EFF maak misbruik van die omstandighede.
Mag God ons land bewaar van die onverantwoordelike optrede van mense wat nie weet wat hulle doen nie.
Plunder en verwoesting deur vuur is die optrede van bose magte.