Kragnetwerk Donderdag ‘stabiel’

Argieffoto

Argieffoto

Eskom het gesê daar sal nie Donderdagoggend beurtkrag toegepas word nie aangesien die kragnetwerk stabiel is.

“Die kragnetwerk is tans stabiel en dit sal Eskom in staat stel om instandhoudingswerk te doen sonder om beurtkrag toe te pas,” het die kragvoorsiener gesê. Eskom het gesê die netwerk sal gedurende die aand onder druk wees weens die verhoging in die vraag na elektrisiteit en ʼn kragstasie-eenheid waar instandhoudingswerk gedoen word.

Die kragvoorsiener het ʼn beroep op gebruikers gedoen om energiedoeltreffende maniere te oorweeg om warm te bly gedurende die wintermaande.

“In die winter word meer elektrisiteit in die oggende en die aande gebruik. Ons doen ʼn beroep op gebruikers om hul kragverbruik dwarsdeur die dag te beperk, maar spesifiek gedurende spitstye van 06:00 tot 10:00 en van 17:00 tot 21:00.

Eskom het Woensdagaand beurtkrag toegepas.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Ben ·

Eskom hou daarvan om naweke af te sit om die meeste ongerief te veroorsaak. Waarom sit hierdie onbevoegte klomp nie af in die nag wanneer ons slaap nie?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.