Kragnetwerk sal tot 10 dae neem om te herstel

Argieffoto

Eskom het Sondagaand gesê sy kragnetwerk is steeds beperk en sal tot tien dae neem om te herstel ná verlede week se loonstaking.

Verbruikers is aangeraai om vandeesweek steeds voorbereid te wees op die moontlikheid van kragonderbrekings en beurtkrag.

Die kragvoorsiener het verwag dat stakende werknemers Maandag sal terugkeer werk toe nadat die regering en vakbonde ingestem het om onderhandelinge oor Eskom se besluit om nie salarisverhogings toe te ken nie, te hervat.

Eskom het vroeër gesê hy kan weens finansiële beperkings nie bekostig om enige salarisverhogings toe te staan nie. Die Nasionale Unie van Metaalwerkers van Suid-Afrika (Numsa) het Sondag gesê Eskom se aanbod van ʼn 0%-salarisverhoging is egter nou van die tafel.

Eskom het gesê die kragnetwerk sal na verwagting langer as ʼn week neem om te herstel omdat deurlopende prosesse by kragstasies, insluitend steenkoolbestuur en -vervoer, deur die staking onderbreek is. Dié prosesse moet uitgeklaar word en weer op dreef kom, wat ekstra tyd sal neem.

Vakbonde eis ʼn verhoging van 15% vir Eskom se werknemers en sê hul lede hoef nie as gevolg van ʼn finansiële krisis, teweeggebring deur korrupsie en wanbestuur deur senior bestuurders wat sedertdien ontslaan is, te ly nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
KP

Wanneer word hierdie sinior bestuurders aangekla en vervolg en eidig hoopelik in die tronk. Hoor net altyd hulle is geskors of bedank voor die tyd self. Tyd vir drastiese optrede teenoor al hierdie staatskapers en nie net by Eskom dit sluit ministers en hooggeplaaste regerings amptenare in. Wanneer gaan Molofe die pensioen terug betaal was n hofbevel hy steur hom net eenvoudig soos die res aan geen hofbevel nie.

Wilma

Molefi het alweer n cosy job. Dis die norm in nuwe SA. Word net geskuif na ander departement waar Staatskaping net weer aangaan. Eish

Gus

Hierdie spul wat so staak en kla oor die senior bestuur wat korrup is – dis julle wat die ANC keer op keer in die regering hou en gelukkig is met al die ‘cadre deployment’. Nou oes julle wat julle saai. Ek hoop julle kry 0% verhogings.

Johann

Hoe seker is oms EISHKOM gebruik nie net bloot die oproer as versjoning vir hulle totale onvermoe om te beplan nie? So asof die mern korrupte magsvergrypers nie JUIS aanspreeklik moet wees vir die chaos nie! Verslag op verslag op nog verslae oor wie wat wanneer gevat het… en hulle loop los rond? GEKKE PARRADYS! ANC LEGACY

Se maar net

En as daar beurtkrag is kry ons nog steeds n sky high rekening. Nou moet ons wat gereeld ons krag rek betaal onder die kam geskeer word oor daar nie verhoging is nie en net gestaak word. Snaaks genoeg, verlede jaar was daar nie eers beurtkrag nie seker omdat daar verhogings was, maar lyk my as daar nie verhogings is nie, dan tree beurtkrag in.