Kragnetwerk stabiel sê Eskom

Eskom het Saterdag gesê die kragnetwerk is steeds stabiel en dat hy nie probleme vir die langnaweek voorsien nie.

“Die netwerk is stabiel, met genoegsame opwekkingskapasiteit vir die langnaweek,” het Andrew Etzinger, woordvoerder van Eskom, gesê.

Eskom het vroeër die week beurtkrag toegepas weens druk op die kragnetwerk. Etzinger sê dit is onwaarskynlik dat daar oor die langnaweek beurtkrag toegepas sal word.

Etzinger sê die kragnetwerk is die ergste onder druk op weeksdae tussen 17:00 en 21:00.