Krejcir-vonnisoplegging begin

Radovan Krejcir. Foto: Werner Beukes / SAPA

Radovan Krejcir. Foto: Werner Beukes / SAPA

Die vonnisoplegging van Radovan Krejcir, die Tsjeggiese voortvlugtige en sakeman, en sy vyf medebeskuldigdes sal na verwagting Vrydag in die Johannesburg-hooggeregshof begin.

Dit volg nadat Krejcir verlede maand skuldig bevind is aan poging tot moord, ontvoering en dwelmhandel.

Krejcir se medebeskuldigdes Desai Luphondo, Siboniso Miya, voormalige ao. George Nthoroane, Samuel Maropeng en Jan Lefu Mofokeng is almal skuldig bevind aan ontvoering. Almal, buiten Nthoroane, is ook skuldig bevind op aanklag van poging tot moord. Nthoroane is skuldig bevind aan aanranding.

Hulle is aangekla van die ontvoering en marteling van Bheki Lukhele.

Lukele is die broer van die man wat Krejcir na bewering uit R70 000 en ʼn multimiljoen rand se vrag onwettige metamfetamien bedrieg het. Die staat het voorgehou dat Lukele se aanranding ʼn poging was om sy broer, Doctor Nkosi, ʼn toesighouer by Swissport Cargo Services by die OR Tambo- internasionale lughawe, te vind.

Krejcir staan ook nog tereg op twee aanklagte van moord sowel as een van sameswering om moord te pleeg. Dié aanklagte hou verband met ander sake.

Lees alle vorige berigte oor Radovan Krejcir op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Eduard ·

Die bledie Rus vlug uit sy land en kom maak moeilikheid in ons land

AH ·

Want dit is maklik om in SA weg tekruip omdat ons nie veel van n polisie mag of veiligheids mag het nie

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.