Kritiek beseerde man wag glo 2 ure op ambulans

Argieffoto

Argieffoto

Die Vrystaatse departement van gesondheid stel ondersoek in na bewerings dat ’n kritiek beseerde man vir meer as twee uur op ’n ambulans gewag het.

’n Paramedikus wat nie aan diens was nie het Sondag op ’n ongelukstoneel afgekom waar ’n bejaarde fietsryer van sy fiets af gery is deur ’n voertuig op die N3 naby die R34-brug in Vrede.

Volgens die paramedikus het die bebloede fietsryer vir nagenoeg twee uur op die hoofweg gelê voordat die eerste ambulans opgedaag het. Die paramedikus, wat anoniem wil bly, het aan News24 gesê hy het verskeie kere ’n ambulans na die toneel probeer ontbied. “Hy [die fietsryer] het verskeie beserings opgedoen insluitend beenbreuke sowel as kop- en borsbeserings.

Volgens die paramedikus het hy om 18:35 die eerste oproep na die staatsambulansdiens gemaak. ’n Verkeersbeampte en twee reaksiemotors van die N3-tolkonsessie het meer as ’n uur later opgedaag en die paramedikus moes van hulle toerusting gebruik om die pasiënt mee te behandel.

’n Ambulans het hierna op die toneel opgedaag maar het glo amper geen toerusting gehad nie. Die fietsryer se toestand kon nie vasgestel word nie.

Nog twee ambulanse het later opgedaag en die kritiek beseerde fietsryer is na ’n nabygeleë hospitaal geneem.

Mondli Mvambi, woordvoerder van die provinsiale departement van gesondheid, het gesê die voorval word ondersoek.

News24

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

scalla ·

Waarvoor die ondersoek, dit is standaard prosedure, afrika tyd, hul stophorlosie is vervang met n almanak.

Peet Schabort ·

Daar is nie ‘n manier wat jy ‘n ambulans met toerusting kan gebruik as ‘n taxi. Moes hier ook seker eers die passasiers gaan aflaai. Verstaan asb. tog rede.

Gerhard Bezuidenhout ·

Peet jy slaan die spyker op sy kop. Hulle ry elke dag taxi met die ambulanse en niemand kan daaroor stry nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.