Krugersdorp-moorde: Uitspraak gelewer

Zak Valentine, Cecilia Steyn en Marcel Steyn in die hooggeregshof in Johannesburg [3 Junie 2019]. (Foto: Maroela Media)

Cecilia Steyn (38), Zak Valentine (34) en Marcel Steyn (21) is Maandagmiddag in die hooggeregshof in Johannesburg op verskeie aanklagte skuldig bevind, onder meer vir hul aandeel in van die opspraakwekkende Krugersdorp-afspraakmoorde.

Al drie die beskuldigdes is skuldig bevind aan die moorde op pastoor Reg Bendixen, Mikeila Valentine, Peter en Joan Meyer en poging tot moord op Joshua Groenewald.

Al drie is ook skuldig bevind op drie aanklagte wat met die plant van bomme verband hou, rampokkery, asook die onwettige besit van vuurwapens en ammunisie.

Cecilia en Marcel is ook skuldig bevind aan die sogenaamde afspraakmoorde – die moord op Anthony Scholefield, Kevin McAlpine, Glen McGregror en Hanle Lategan. Zak is op dié aanklagte onskuldig bevind.

Cecilia en Zak is skuldig bevind aan die moorde op Natacha Burger en Joy Boonzaaier, asook bedrog, diefstal en regsverydeling vir die versinning van Zak se dood. Cecilia is skuldig bevind bestuur van ʼn rampokkeronderneming.

Hou Maroela Media dop vir meer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
Skerpioen

Mag julle straf swaar wees…. soos julle slagoffers se familie se lyding en pyn van verlange…. maar ja…. alles gaan seker weer gelyklopend uitgedien word… hoe bitter hartseer

Chris Ws

Hierdie mense is opperste skurke en hoord vir die res van hul lewens agter tralies deur te bring sonder die kans vir parool!

Abe

Dit moet seker een van die grootste moordsake nog in SA wees in terme van aantal aangeklaagdes, aantal persone skuldigbevind aantal vermoordes en verbysterende blote verontagsaming van enige respek vir lewe en medemenslikheid!

Jaco

Wereld straf moet hulle veseker uit dien maar ek bid dat God hulle vergewe en Sy genade oor hul laat kom.
Amen

Geregtigheid

Daar sit hulle soos arme, arme blaamlose martelaars in totale onskuld. Botter kan in hulle monde nie smelt nie. Maar wat hulle nie weet nie is dat hul gesigte eintlik ALLES sê! Skaam hulle hul nie morsdood nie? Het hulle gedink om weg te kom met hulle afskuwelike duistere duiwelse werke? Miskien op aarde, maar beslis nie in die ewigheid nie. En die woord en die Naam van God word boonop gebruik om onder weg te kruip! Dit alles terwyl haar pa haar “goed grootgemaak het”… Verstommend. Dit gaan letterlik die verstand te bowe.