Krugersdorp-restaurantwerker ná werk beroof, geskiet

Argieffoto

Argieffoto

ʼn 29-jarige man is Sondagaand tydens ʼn gewapende roof op straat in Krugersdorp doodgeskiet.

Kapt. Appel Ernst, polisiewoordvoerder, het aan Maroela Media gesê die voorval het in Cecil Knightstraat in Rant-en-Dal plaasgevind. “Vyf werknemers van ʼn plaaslike restaurant het omstreeks 21:45 glo van die Key West-winkelsentrum gestap toe hulle glo deur twee mans met vuurwapens aangeval is wat hulle deursoek het,” het Ernst gesê.

Die rowers het een van die mans geskiet voordat hulle met selfone en kontant gevlug het. “Die verdagtes het na bewering in ʼn maroen Polo met Oos-Kaap nommerplate gevlug,” het Ernst gesê.

Santi Steinmann, woordvoerder van Netcare 911, het gesê paramedici wat na die misdaadtoneel geroep is, het probeer om die man by te bring, maar hy is op die toneel dood verklaar.

Ernst wou nie in hierdie stadium die man se naam bekend maak nie. Sy het ʼn beroep op enigiemand met meer inligting gedoen om met die Krugersdorp-speurtak in verbinding te tree.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

CHRISTA ·

Niks in ons land sal verander terwyl misdadigers se reg om te lewe belangriker beskou word as hulle moordslagoffers nie. Die ANC moet net onthou: hulle het ook familielede wat nie lyfwagte het nie!!!

Peet Schabort ·

Is daar al begin bou aan nuwe tronk-‘lodges’ om die toenemende getal moordenaars huisvesting te bied ? Ek meen hulle kan maar doodmaak maar mag self nie die doodstraf opgelê word.
Wonderlike ‘menseregte’ . . .

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.