Kry die huis in orde, hou op om my te mishandel, sê Zuma

Jacob Zuma. Foto: Flickr/GovernmentZA

Jacob Zuma. Foto: Flickr/GovernmentZA

Pres. Jacob Zuma het Dinsdag die gedrag van LP’s in die Nasionale Vergadering veroordeel en gesê hulle mishandel hom, en speaker Baleka Mbete versoek om iets daaromtrent te doen.

“Elke keer wanneer ek hier kom, word ek deur lede van jou parlement mishandel. In plaas daarvan dat ek vrae beantwoord, moet ek hier sit en word ek ʼn misdadiger, ʼn dief genoem,” het Zuma geïrriteerd gesê ná sy kwartaallikse vraag-en-antwoord-sessie.

Zuma het weer onder skoot gekom deur opposisiepartye en die Ekonomiese Vryheidsvegters (EFF) het weer uitgestap nadat hulle beswaar aangeteken het om deur ʼn “misdadiger” aangespreek te word.

“Jou Huis moet iets doen. As die Huis nie daarin belangstel dat ek vrae beantwoord nie, kan julle so sê, en moet my dan nie roep nie,” het Zuma bygevoeg.

Sedert Zuma in 2014 as president herverkies is, word sy vraag-en-antwoordsessie gereeld deur die EFF en ander opposisiepartye onderbreek wat daarop aandring dat hy al hoe meer beïnvloed word deur sy verhouding met die Gupta-familie wat reeds voordeel getrek het uit multi-miljard rand se regeringskontrakte.

Die EFF het Mbete Dinsdag versoek om tugstappe teen die president in te stel omdat hy die Grondwet oortree het toe hy versuim het om te reageer op die openbare beskermer, Thuli Madonsela, se opdrag dat hy ʼn gedeelte van die bedrag wat spandeer is aan opgraderings by sy huis in Nkandla, moet terugbetaal. Die presidensie en die tesourie het Maandag bevestig dat Zuma reeds R7,8 miljoen terugbetaal het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Popeye

Ag shamepies, voel ons nou jammer vir onsself? Hy is doodreg as hy vra die huis moet tot orde kom. Kan enige mens so nie die boodskap kry nie?

Cryosphear

My ma is 67. sy verdien ‘n baie goeie pensioen. Wou R300 000 leen. Word geweier oor ouderdom. Hoe kon Zuma dit regkry om soveel geleen te kry? Hy is 71! Dit is teen die nasionale kredietswet! Hy EN die plek wat vir hom geld geleen het moet gestraf word!

Meisie

Kry die boodskap Zuma dat niemand jou meer wil he nie.Pak jou tas laat jy gaan.Of is die soustrein nog te lekker?

PMB

Die gemors in die Huis is reeds te dankie aan hom en al sy trewante. Orde sal great wees!

Rynhardt

Zuma niemand mishandel jou nie, jy het alles skandes oor jouself gebring met getroue speaker wat jou beskerm.Vergeet van huis in orde te kry, want huis van orde gaan verander in n huis van chaoas met Zuma en sy kabinet!