‘Kry jy nie skaam nie?’ vra Oscar se tannie vir Nel

Oscar Pistorius se suster Aimee (links), tannie Lois, en oom Arnold. Foto: Themba Hadebe/AP/Pool

Oscar Pistorius se suster Aimee (links), tannie Lois, en oom Arnold. Foto: Themba Hadebe/AP/Pool

Oscar Pistorius se tannie het Vrydag tydens sy moordverhoor in die hooggeregshof in Pretoria glo aan adv. Gerrie Nel, staatsaanklaer, gevra of hy nie skaam kry nie, het Beeld Saterdag berig.

Lois Pretorius het Nel Vrydag aangegluur en in Afrikaans gevra: “Kry jy nie skaam nie?”, berig Beeld.

Volgens die berig is dit onduidelik of Nel haar gehoor het aangesien hy ‘n ent van haar af weg was en met sy rug na haar gedraai was toe hy uit die hof gestap het.

Sy het toe glo na Oscar se sielkundige gedraai en die vraag weer gevra.

Beeld berig dat terwyl die slotbetoë aangehoor is, Lois na verslaggewers agter haar gedraai het. Haar man, Arnold, het haar glo met die elmboog gestamp waarna sy weer teruggedraai het.

Die staat en die verdediging het Donderdag en Vrydag hul slotbetoë in die hooggeregshof in Pretoria gelewer.

Die saak is tot 11 September uitgestel wanneer regter Thokozile Masipa na verwagting uitspraak sal lewer.

Pistorius staan tereg op ʼn aanklag van moord nadat hy Steenkamp op 14 Februarie 2013 by sy huis in Pretoria-Oos doodgeskiet het. Hy voer aan hy het haar vir ʼn inbreker aangesien. Hy staan ook tereg op aanklagte wat verband hou met die oortreding van die Vuurwapenwet.

Klik hier om die hooftrekke van die hofverrigtinge gratis op Maroela Media te volg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Elize Lourens

Ek wonder as dit haar dogter was, of sy dit nog sou se. Kry sy nie skaam vir Oscar se Blatante leuens nie, en dat hy hulle almal deur dit sit!.

rika

Mooi, Lois, jy het durf. – skaamte? ?…….

Ken

Ag asseblief!! Sy behoort haarself te skaam dat sy ‘n moordenaar so ondersteun!! Pateties.

E. P. Nienaber

Oskar gaan nie tronk toe nie.

charmaine

Ek stem saam met Henri, ons op die kantlyn kan nie oordeel nie.Jy weet nie wat in n ander man se huis aangaan as die deur toe is nie,en dit het ook niks met niemand te doen nie.Almal wat se sy tannie ondersteun ‘n moordenaar,dit bly familie,so julle families sal nooit op julle kan steun en staat maak nie? dit is meer PATETIES! Dit is goed om te weet daar is volmaakte mense op die aarde! En Henri is reg die Reeva was nie n engel nie, sy het Oscar geken en geweet hoe sy maniere is as sy bang… Lees meer »