KSA eis dat Proteas die knie buig

(Foto: @OfficialCSA/Twitter)

Die dae waar vryheid van keuse swaarder geweeg het, is verby – die Proteas word nou verplig om die knie ter ondersteuning van die Black Lives Matter-beweging (BLM) vóór hul oorblywende T20-Wêreldbekerwedstryde te buig.

Dié verwikkeling kom nadat Krieket Suid-Afrika (KSA) se raadslede gisteraand eenparig besluit het om ’n opdrag uit te reik wat vereis dat alle Proteas ’n verenigde standpunt teen rassisme inneem deur die knie te buig.

Spelers kon vantevore self besluit of hulle wil staande bly, die knie buig of ’n vuis in die lug steek.

“As die spelers nog nie heeltemal gemaklik met die gebaar is nie, kan hulle op aandag staan om steeds die veldtog te respekteer,” het Dean Elgar (toetskaptein) destyds vóór die reeks teen die Wes-Indiese Eilande gesê.

Kommer is egter nou uitgespreek dat die spelers se verskillende houdings ’n indruk wek dat die inisiatief nie ondersteun word nie; selfs al word dit onopsetlik gedoen.

KSA het in ’n verklaring gesê dat die raad ná deeglike oorweging besluit het dat die span ’n verenigde standpunt teen rassisme moet inneem, veral gegewe Suid-Afrika se geskiedenis.

Volgens die verklaring buig ander spanne gereeld die knie en is dit hoog tyd dat die Suid-Afrikaanse spelers dieselfde doen.

“Die verbintenis om rassisme die nekslag toe te dien is die gom wat ons moet verenig, saambind en versterk,” het Lawson Naidoo, KSA se raadvoorsitter, gesê.

“Diversiteit kan (en moet) in baie fasette van ons daaglikse lewe tot uitdrukking kom, maar nie wanneer dit by ’n verenigde standpunt teen rassisme kom nie.”

Die Proteas speel vandag in hul tweede groepwedstryde teen die Wes-Indiese Eilande, ’n span wat nog met elke wedstryd die knie buig.

Kieron Pollard, Windies-kaptein, het vroeër gesê dat hy nie ander spanne kan dwing om dieselfde te doen nie.

“Die gebaar moet nie net gedoen word om ons te ondersteun of omdat ons simpatie soek nie. Almal het hul eie mening oor rassisme en BLM en ek kan nie vir mense sê wat om te doen nie. Baie keer verwag jy dat mense op ’n sekere manier optree en dan is jy teleurgesteld wanneer hulle dit nie doen nie,” het Pollard gesê.

Quinton de Kock is een van die Suid-Afrikaanse spelers wat tot dusver staande gebly het.

“Dit was my persoonlike keuse. Soos wat Lungi (Ngidi) vroeër gesê het, dit is elkeen se individuele besluit. Niemand word gedwing om iets te doen nie – nie in die lewe nie. Dit is hoe ek dinge sien,” het De Kock gesê.

Nathi Mthetwa, sportminister, het verlede jaar gesê dat hy nie teen Faf de Klerk en sy Sale Sharks-spanmaats sal optree wat besluit het om staande te bly nie.

“Ek kan nie namens Saru praat nie, maar ek het geen planne om teen die spelers op te tree wat nie die knie gebuig het nie,” het hy tydens ’n parlementêre sessie gesê. Hy is egter steeds teleurgesteld in hul optrede.

“Ek sou egter in my plig versuim het as ek nie belanggestel het in die redes waarom die spelers op verskillende maniere hul eensgesindheid met die Black Lives Matter-beweging wou toon nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

116 Kommentare

jongste oudste gewildste
Jean

Quinton as dit vir dieselfde rede is dat jy ontrêk het, dan het jy my respek.

Oros Soros

En daar groet Q de Kock ook.

wendy

So hulle begin mense dwing hoeveel wit mense is nie vermoor nie all lives matter

casper

Krieket is net so berewe nou as Bafana Bafana — Albei hopelose spanne wat ons rasstiese bedrewenheid en onvermoë vir die wereld ten toon stel !!
Enige blanke wat sport beoefen op professionele vlak sal goed doen oorsee en oof ‘n baie beter betaling ontvang as in die land.

Michelle

Is Suid Afrika nou amptelik ‘n diktatorskap? Of ly ons aan ‘n nasionale minderwaardigheidskompleks wat ons alles slaafs laat navolg, ongeag individuele oorwegings?