Kubaanse ingenieurs ‘groot vermorsing van belastinggeld’

Lindiwe Sisulu (Foto: Chantall Presence/ANA)

AfriForum het ’n brief aan Lindiwe Sisulu gestuur waarin die burgerregte-organisasie die aanstelling van 24 Kubaanse ingenieurs bevraagteken.

Dié ingenieurs is op 19 April vanjaar aangestel om die departement van water en sanitasie te help om probleme met waterinfrastruktuur op te los en hul kennis te deel.

Sisulu, minister van menslike nedersettings, water en sanitasie, sal môre ’n seremonie lei om die Kubaanse ingenieurs te verwelkom.

“Die hoogs gekwalifiseerde Kubaanse kundiges sal raadgewers op provinsiale en plaaslike vlak landwyd bystaan,” het die departement gesê. “Hulle sal hul vaardighede deel in meganiese, elektriese en siviele ingenieurswese, asook projekbestuur.”

AfriForum meen egter dat dié aanstelling ’n groot vermorsing van belastingbetalers se geld is aangesien Suid-Afrika oor ervare, gekwalifiseerde ingenieurs en vakkundiges beskik wat meer as bekwaam is om die departement te ondersteun.

Die organisasie versoek in die brief dat die Kubaanse ingenieurs se ervaring en kwalifikasies bekendgemaak word, dat ’n verslag wat die water- en infrastruktuurprobleme uiteensit, beskikbaar gestel word, asook dat die departement ’n aksieplan voorsien van waar die ingenieurs gaan werk.

Die departement het volgens AfriForum in 2017 ongeveer R12 miljoen bestee om Kubaanse ingenieurs aan te stel en het nooit ’n verslag uitgereik oor die werk wat verrig is nie. AfriForum het ook in die brief versoek dat ’n omvattende finansiële struktuur van wat dit die belastingbetaler gaan kos, bekendgemaak word.

“AfriForum het male sonder tal reeds probeer om ’n vergadering met die minister te belê oor die organisasie se jaarlikse blou-en-groendruppelverslag waarin verskeie waterprobleme onder die loep geneem word,” het Lambert de Klerk, AfriForum se bestuurder vir omgewingsake, gesê.

“Ons beskik oor ’n lys afgetrede ingenieurs en vakkundiges, asook mense wat steeds in diens is, wat meer as bereid is om die departement te help om dié probleme op te los. Dit is onaanvaarbaar om Kubaanse ingenieurs aan te stel terwyl Suid-Afrika bekwame en gekwalifiseerde ingenieurs het.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Boer

Ek stem saam dit is n mors van belasting geld. Ons land het van die beste ingeneurs in die wereld en hulle noem hom n Boer.

Alet

Enigste rede hoekom hulle hier is is omdat dit die kommunistiese vriende van anc is. Plaas hulle daai geld gebruik en meer universiteite bou om jongmense op eie bodem op te lei en werk te gee. Dan sal werkloosheid ook afneem. Breinselle werk nie lekker nie lyk dit my.

Michael

“Our people” besef nie eers sy wys vir hulle eie ingenieurs ‘n middelvinger nie en dan sal hulle natuurlike nooit wit ingenieurs wil gebruik nie. Dis maar hoe Afrika rol

Francois

Die korup ANC regering is te diep ingekruip by Cuba. Iewers maak iemand weer baie geld

Danie

AfriForum. Sy sal nie luister nie. Sy kan nie die aanbod aanvaar dat daar nog blanke ingeneurs in SA is wat bitter graag sal wil help. Dit sal vir haar en die ANC n klap in die gesig wees, want as sy dit aanvaar gee sy en haar party erkenning dat hulle nie die nodige kennis en hulpbronne het om n land te bestuur nie. Sy kan ook nie haar eie mense wat opgelei is gebruik nie want sy kan hulle nie vertrou nie, dus maak sy en haar party gebruik van hulle vriende wat hulle opgelei het tydens hulle… Lees meer »