Kuruman-plaasmoord: Verdagtes het voorheen op plaas gewerk

Frank Itumeleng (links) en Ben Thabo Maandag in die Kuruman-landdroshof. Foto: Verskaf

Frank Itumeleng (links) en Ben Thabo Maandag in die Kuruman-landdroshof. Foto: Verskaf

Die vermeende moordenaars van Christo Kruger (63), wat voorverlede week op sy plaas naby Kuruman doodgeskiet is, het albei voorheen op Kruger se plaas gewerk.

Frank Itumeleng (22) en Ben Thabo (19) is vroeg Saterdagoggend in Bankhara buite Kuruman in hegtenis geneem. Hulle het Maandag in die dorp se landdroshof verskyn. Lt. Sergio Kock, woordvoerder van die polisie, het aan Maroela Media gesê die verdagtes sal in aanhouding bly tot hul volgende hofverskyning op 15 Junie.

Maroela Media het verlede week berig dat Kruger vermoedelik uit wraak vermoor is. Jan-Sarel Kruger (31), Christo se seun, het gesê die familie vermoed ʼn voormalige werker het sy pa vermoor nadat sy pa teen die werknemer getuig het nadat laasgenoemde glo sy bakkie en ʼn paar skape gesteel het. Volgens Jan-Sarel is die werknemer vroeër vanjaar op borgtog vrygelaat.

Christo is op 28 Mei omstreeks 20:00 drie keer in die bors geskiet nadat hy ʼn geluid buite gehoor en ondersoek gaan instel het. Sy vrou, Vera (59), was in die huis en het gesien hoe haar man geskiet word. Sy is nie in die aanval beseer nie. Niks is tydens die aanval gesteel nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

anet ·

Moordenaars op ouderdomme 22 en 19???. Geen borg nie asseblief, hulle gaan net nog ander mense vermoor. Gebore moordenaars en sal altyd moordenaars wees

Johan ·

Hoekom hoor mens nooit dat Boere by plaaswerkers se huise inbreek nie? Wanneer mens op die ouderdom reeds by moord betrokke is, kan mens net wonder… Gevangenes is oorvol en die belasting betaler word ook dan inherent geraak…

Johan ·

Hoekom hoor mens nooit dat Boere by plaaswerkers se huise inbreek nie? Wanneer mens op die ouderdom reeds by moord betrokke is, kan mens net wonder… Gevangenes is oorvol en die belasting betaler word ook dan inherent geraak…

CHRISTA ·

Sal hulle ook so ‘n lang vonnis ontvang EN uitdien as hulle skuldig bevind word soos Derby-Lewis of gaan die maar ook net ‘n paar jaar wees?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.