Kwalata-grondbesetters plak moontlik vanaand

Die toneel Vrydag (10 Junie 2016) in die Dinokeng-wildsreservaat. Foto: Verskaf

Die toneel Vrydag (10 Junie 2016) in die Dinokeng-wildsreservaat. Foto: Verskaf

Vermeende grondbesetters naby die Kwalata Lodge in die Dinokeng-wildsreservaat noord van Pretoria, gaan moontlik vanaand huise oprig in dié reservaat.

Riaan Olivier, hoof van die plaaslike gemeenskapspolisiëringforum (GPF), het Sondag aan Maroela Media gesê hulle ontvang al die hele week lank berigte dat die besetters van plan is om Sondagaand hul huise op te rig, nadat hulle die grond “skoongemaak” het.

Olivier het gesê die besetters het ook die gedeelte van die heining rondom die reservaat, wat hulle Saterdag platgetrap het, verwyder. “Ons sal dus ʼn nuwe heining moet koop, ons kan die draad nie net meer span nie.”

Hy het dit weer benadruk dat die gemeenskap van Refilwe nou blootgestel is aan die wilde diere in die reservaat. Dit is ʼn groot vyf-reservaat en daar is dus nou geen heining tussen inwoners in die informele nedersetting en die leeus of ander wilde diere nie.

Volgens Olivier is twee mans intussen in hegtenis geneem, om as ʼn voorbeeld te dien dat oortreders vervolg sal word. “Een van die mans is met ʼn formele waarskuwing vrygelaat, maar strafregtelike aanklagtes is teen die tweede man aanhangig gemaak.”

Olivier het bygevoeg die besetters het ook in ʼn stadium gedreig om die nabygeleë Rooms Katolieke skool met ʼn petrolbom aan die brand te steek, maar dit was glo slegs ʼn poging om die polisiebeamptes en GPF weg te lok en die pad weer te versper.

Hy het gesê lede van die GPF en die polisie is op bystand vir enige gebeure Sondagaand.

Maroela Media het vroeër berig die besetters het nog nie gehoor gegee aan ʼn tussentydse hofbevel wat Vrydag in die Gautengse hooggeregshof uitgereik is nie. Volgens die tussentydse bevel word die besetters verbied om die grensdrade te beskadig en of te verwyder. Die besetters word ook verbied om die eiendom as sodanig te betree.

Lees alle vorige berigte oor die Kwalata-grondbesetting op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Kaspaas

Hierdie is net die begin na die verkiesing gaan die n algemene gesig wees in die munisipaliteite wat die EFF gaan oorneem. Dink net hoeveel huise gebou kon word met al die geld wat die regering en sy amptenare gevat het ook die geld om die Guptas te finansier en die tenderpreneurs net om n paar te noem

Sagte hartjies

Almal is so sagkens met die mensies, dit is nie wat gaan werk nie. Julle moet HARD word en baie hard op tree.

Liewe heksie

Ek glo regtig dat God die gpf sal bystaan want op sapd kan daar nie staatgemaak word nie of hul is plain sleg of bang vir werk en as ons bietjie speserye op dai vleis gooi mag die leeus dalk net honger word damn gemors

Koos

Die polisie moet hulle verwyder daar is dan ‘n hofbevel.

John

Is daar nie ‘n mooi stukkie grond op die Wilde Kus wat ons kan skoonmaak en vakansie-huise bou vir ons boere met gedwonge aftredes nie? Lekker weer en uitsig op die Sjinese vissersbote se liggies snags. Mooi skoon omgewing sonder die gevaar van windplase of korrelbedatoomkragstasies. Laasgenoemde word mos net beplan vir langsaan witdorpe. Wat van daai bloedgrond wat destyds deur Retief ea aangekoop is. Dit is klaar betaal. Reeds ons s’n, Mens wonder of die polisie dan ook net op ‘stand by’ sal wees.